އޮމާން ކަނޑުން ދަތުރުކުރަމުން ދިޔަ އީރާނުގެ ކާގޯ ބާޖަކަށް އެމެރިކާ އިން ޙަމަލާ ދީފިއެވެ.

އީރާނުން ބުނީ އެ އުޅަނުގައި ތިބި ހުރިހާ ފަޅުވެރިން ވަނީ ސަލާމަތްކޮށްފައި ކަމަށެވެ.

⁠އޮމާނީ ބަނދަރު ޚަސާބުން މުދާ އުފުލާ 150 ޓަނުގެ ކާގޯ ބާޖަށް ހަމަލާ ދިނީ ޚަސާބުގެ ގާތްގަނޑަކަށް 5 ⁠ނޯޓިކަލް މޭލު ދުރުންނެވެ. އެ އުޅަނދުގައި 5 ފަޅުވެރިން ތިބި ކަމަށާއި އެންމެން މިހާރު ވަނީ ސަލާމަތުން އީރާނަށް ގެންގޮސްފައި ކަމަށް ވެސް އީރާނުން ބުނެއެވެ.

އޮމާންގައި ހުންނަ އިންޑިއާ އެމްބަސީން އެކްސް ގައި ކުރި ޕޯސްޓެއްގައި ބުނެފައިވަނީ، އޮމާންގެ ޝިނާސް ބަނދަރު ކައިރިން އުޅަނދަކަށް ހަމަލާ ދިން ކަން އެނގިފައިވާ ކަމަށެވެ.

އުޅަނދަށް ލިބުނު ގެއްލުންތަލުގެ ތަފްސީލެއް އަދި ނުލިބެއެވެ.