އިރާނުގެ އަސްކަރީ އަމާޒުތަކަށް ވަރަށް ވަރުގަދަ ހަމަލާއެއް ދިނުމަށް ޓަކައި، އިސްރާއީލުގެ އަސްކަރިއްޔާ އިން އެމެރިކާގެ ހުއްދަ އާއި އެއްބާރުލުމަށް އިންތިޒާރު ކުރަމުންދާ ކަމަށާއި، (ހަނގުރާމަ އަލުން ފެށުމަށް އެމެރިކާގައި) މިހާރު ވަނީ އެދިފައި ކަމަށް އިސްރާއީލުގެ ވަޒީރަކު ހާމަކޮށްފިއެވެ.
މީޑިއާ ރިޕޯޓްތައް ބުނާގޮތުން، އިސްރާއީލުގެ ސަރުކާރުގެ އިސް ވަޒީރަކު ވަނީ އީރާނަށް ހަމަލާ ދިނުމަށް ޓަކައި އެމެރިކާގެ ފެހި ސިގްނަލް ނުވަތަ ހުއްދަ ލިބުމަކީ ކޮންމެހެން ބޭނުން ކަމެއް ކަމަށް ބުނެފައެވެ. މި ހަމަލާ ދިނުމަށް ރާވާފައި ވަނީ އިރާނުގެ ނިއުކްލިއަރ މަޝްރޫއު ތަކާއި އަސްކަރީ ގާބިލުކަން ނައްތާލުމުގެ ބޭނުމުގައެވެ.
އެމެރިކާގެ އެހީތެރިކަމާއި ނުލައި މިފަދަ ބޮޑު އަސްކަރީ އޮޕަރޭޝަނެއް ކުރިއަށް ގެންދިއުމަކީ އިސްރާއީލަށް ދަތި ކަމަކަށް ވާއިރު، މިކަމާއި ގުޅޭ ގޮތުން އެމެރިކާގެ ސަރުކާރުން އަދި ވަކި އެއްޗެއް ހާމަކޮށްފައެއް ނުވެއެވެ. ނަމަވެސް އިސްރާއީލުގެ އަސްކަރިއްޔާ އޮތީ ކޮންމެ ވަގުތަކު ވެސް ހަމަލާ ދެވޭނެ ފަދަ ތައްޔާރީ ހާލަތެއްގައި ކަމަށް ރިޕޯޓްތައް ބުނެއެވެ.
Advertisement
އިސްރާއީލުން މިފަދަ ނިންމުމެއް ނިންމާފައި ވަނީ ހަމގުރާމަ ވަގުތީ ގޮތުން ހުއްޓާލައި އީރާނާއި އެކު މަޝްވަރާ ކުރުމަށް ފަހު އެ މަޝްވަރާ ނާކާމިޔާބު ވެފައިވާ ދަނޑިވަޅެއްގަވެ.
