އެމެރިކާގެ ކޯލިޝަނުން އީރާނާއި ދެކޮޅަށް ކުރަމުންދާ ހަނގުރާމަ ހުއްޓާލުމަށް މަޝްވަރާ ފަށަން އެއްބަސްވުމާއި ގުޅިގެން، ސީރިއާ، އިރާގު އަދި ބަހްރޭނުން ބަންދުކޮށްފައި އޮތް އެ ގައުމުތަކުގެ ވައިގެ ސަރަހައްދުތައް އަލުން އާންމު ދަތުރުފަތުރަށް ހުޅުވާލައިފިއެވެ.
މި ނިންމުން ނިންމާފައިވަނީ ސުލްހައިގެ އެއްބަސްވުމާއެކު މަސްރަހު ފިނިވެފައިވާތީއެވެ. އެ ގައުމުތަކުން ބުނީ، ވައިގެ ދަތުރުފަތުރުގެ ރައްކާތެރިކަން ކަށަވަރުކުރުމަށްފަހު މިހާރު ވަނީ އާންމު އުސޫލުން ދަތުރުތައް ފެށުމުގެ ހުއްދަ ދީފައެވެ.
މި ގައުމުތަކުގެ ސިވިލް އޭވިއޭޝަން އޮތޯރިޓީތަކުން ހާމަކޮށްފައިވާ ގޮތުގައި، ވައިގެ ސަރަހައްދު ހުޅުވާލުމާއެކު ބައިނަލްއަގުވާމީ އެއާލައިންތަކުން ދަނީ އަލުން އެ ސަރަހައްދުތައް ބޭނުންކޮށްގެން ދަތުރުތައް ރާވަމުންނެވެ. މީގެ ސަބަބުން މެދުއިރުމަތީގެ ވައިގެ ދަތުރުފަތުރަށް ދިމާވެފައި އޮތް ބުރޫއަށް ބޮޑު ލުޔެއް ލިބިގެންދާނެއެވެ.
