ސައުދީ އަރަބިއްޔާގެ ސަރުކާރުން ދިވެހިރާއްޖެއަށް ހަދިޔާކުރި މުސްހަފްތައް، ރާއްޖޭގެ އެކި ކަންކޮޅުތަކުގައި އަލަށް ހުޅުވި މިސްކިތްތަކަށް ފޯރުކޮށްދީފައިވާ ކަމަށް އިސްލާމިކް މިނިސްޓްރީން ހާމަކުރައްވައިފިއެވެ.
މި ރަމަޟާން މަހުގެ ކުރިން މަސައްކަތް ނިންމާ ހުޅުވާފައިވާ މިސްކިތްތަކަށް މިހާރު ވަނީ މުސްހަފްތައް ފޯރުކޮށްދީފައެވެ. މުސްޙަފް ފޯރުކޮށްދިން މިސްކިތްތަކުގެ ތެރޭގައި ޖުމްލަ 14 މިސްކިތެއް ހިމެނެއެވެ.
އެގޮތުން މުސްހަފް ފޯރުކޮށްދެވިފައިވާ މިސްކިތްތަކަކީ:
- މަސްޖިދު ޝަހީދު ޢުމަރު އަޙްމަދު (ހއ. ދިއްދޫ އިސްލާމީ މަރުކަޒު)
- މަސްޖިދުއް ސިއްދީޤް (ޅ. ކުރެންދޫ)
- މަސްޖިދުއްތަޢުބާ (ނ. މަނަދޫ)
- މ މަސްޖިދު ރައްޔާން (ސ. މަރަދޫ)
- މަސްޖިދުލް ނޫރު (ށ. ފޯކައިދޫ)
- މަސްޖިދުލް އިޚްލާސް (ޅ. އޮޅުވެލިފުށި)
- ތުނޑީ ބަނދަރު މިސްކިތް (ލ. ގަން)
- މަސްޖިދު ޒުވައިދާ އަޙްމަދު (ހއ. އިހަވަންދޫ)
- މަސްޖިދު އީމާން (ހުޅުމާލެ ފޭސް 2)
- މަސްޖިދުލް ރަޙްމާ (އދ. އޮމަދޫ)
- މަސްޖިދު މުޙައްމަދު ޤާސިމް (ނ. ކުޑަފަރި)
- މަސްޖިިދު ޝަމީމާ ޢަބްދުﷲ (ނ. ކެނދިކުޅުދޫ)
- މަސްޖިދުލް ސަލާމް (ލ. ގަން)
- މަސްޖިދު ޔޫސުފުލް ބަރުބަރީ (މާލެ ސިޓީ) އެވެ.
މިނިސްޓްރީން ވިދާޅުވި ގޮތުގައި، ސައުދީ އަރަބިއްޔާއިން މިގޮތަށް މުސްހްފް ހަދިޔާ ކުރުމަކީ ދެ ގައުމުގެ ދެމެދުގައި އޮތް ގުޅުން އިތުރަށް ހަރުދަނާކޮށް، އެ ގުޅުން ދެމެހެއްޓުމަށް ސައުދީ ސަރުކާރުން ހާއްސަ ސަމާލުކަމެއް ދެއްވާކަން ހާމަވެގެންދާ ކަމެކެވެ.
ސައުދީ އަރަބިއްޔާއިން ވަނީ 2025 ވަނަ އަހަރުގެ ތެރޭގައި ޖުމްލަ 50،500 މުސްހްފް ރާއްޖެއަށް ހަދިޔާކޮށްފައެވެ. މި މުސްހަފްތައް ބެހުމަށް ހަމަޖެހިފައިވަނީ މިސްކިތްތަކުގެ އިތުރުން، ގުރުއާން ހިތުދަސްކުރާ ކުލާސްތަކަށާއި, އިސްލާމީ މަރުކަޒުތަކަށެވެ.
އެގޮތުން އެކި ގުރުއާން ކުލާސްތަކަށް މުސްހަފް ހަދިޔާކުރުމުގެ މަސައްކަތް މިހާރުވެސް މިނިސްޓްރީ އިން ކުރިއަށްގެންދާ ކަމަށް ވަނީ ބުނެފައެވެ.
