އެމެރިކާއާއި އީރާނާއި ދެމެދު ހިނގަމުންދާ ހަނގުރާމައިގައި މިހާތަނަށް އެމެރިކާ ސިގައިންގެ ހަ މީހަކު މަރުވެ 18 މީހަކަށް ވަރަށް ބޮޑެތި އަނިޔާ ލިބި، ޙާލު ސީރިއަސް ވެއްޖެ ކަމަށް އިތުބާރު ހުރި މަސްދަރަކުން އެމެރިކާގެ ކަމާބެހޭ ފަރާތާއި ޙަވާލާދީ ބުނެފިއެވެ.
މީގެ ތެރެއިން ގިނަ މީހުން މަރާލާފައި ވަނީ ކުވެއިތުގައި ހުންނަ އެމެރިކާގެ ވަގުތީ ޓެކްޓިކަލް އޮޕަރޭޝަންސް ސެންޓަރުގައި ތިއްބައި އީރާނުން ދިން މިސައިލް ޙަމަލާއިންނެވެ. މި ޙަމަލާ އެތަނަށް އަމާޒު ވި އިރުވެސް އެއްވެސް ކަހަލަ ސައިރަން އެއް ނުވަތަ އެލާމެއް ވެސް ނާޅާ ކަމަށް އެ މަސްދަރުން ބުނެއެވެ.
މި ޙަމަލާ އައި ވަގުތު އެ ފެސިލިޓީގެ ތެރޭގައި އެމެރިކާގެ ދިހަވަރަކަށް ސިފައިން ތިއްބެވެ.
އެމެރިކާ އާއި އިސްރާއީލުގެ ޙަމަލާގައި އީރާނުން ވަނީ 500 އަށް ވުރެ ގިނަ މީހުން މަރުވެފައިވާ ކަމަށް ކަށަވަރު ކޮށްދީފައެވެ.
