2022 ގައި އަސްކަރީ ބަޣަވާތަކުން ވެރިކަމަށް ވަޑައިގެންނެވި ކެޕްޓަން އިބްރާހިމް ޓްރައޯރޭގެ އަމުރަށް ބުރުކިނާ ފާސޯގެ އަސްކަރީ ސަރުކާރުން އެ ޤައުމުގެ ހުރިހާ ސިޔާސީ ޕާޓީތައް އުވާލައިފިއެވެ.
މިގޮތަށް ނިންމެވީ "ޤައުމީ އެއްބައިވަންތަކަން" ދެމެހެއްޓުމާއި ސިޔާސަތު އިޞްލާޙް ކުރުމަށް ކަމަށް އެ ޤައުމުގެ އިންތިޤާލީ ސަރުކާރުން ބުނެއެވެ.
އަސްކަރީ އިންޤިލާބު ގެނައުމުގެ ކުރިން އެ ޤައުމުގައި 100 އަށް ވުރެ ގިނަ ސިޔާސީ ޕާޓިތައް އޮތެވެ.
ރައީސް އިބްރާހީމް މިހާރު ރާވާފައި ވަނީ އާ ޤާނޫނު ތަކުގެ ޑްރާފްޓެއް އަސްކަރިއްޔާ އިން އައްޔަންކުރާ މަޖިލީހަކަށް ފޮނުވުމަށެވެ.
