ނިއުކްލިއާ ހަތިޔާރު ޓެސްޓްކުރުން މިހާރުން މިހާރަށް އަލުން ފެށުމަށް އެމެރިކާގެ ޑިފެންސް ޑިޕާޓްމަންޓަށް ރައީސް ޑޮނަލްޑް ޓްރަމްޕް އަންގަވައިފިއެވެ.
ދެކުނު ކޮރެއާގައި ޗައިނާގެ ރައީސް ޝީ ޖިންޕިންއާ ބައްދަލުވުމުގެ މިނިޓްތަކެއް ކުރިން އޭނާގެ ސޯޝަލް މީޑިއާ ޕްލެޓްފޯމް ޓްރޫތް ސޯޝަލް މެދުވެރިކޮށް ކުރި ޕޯސްޓެއްގައި ބުނީ އެހެން ޤައުމުތަކުން ވެސް ނިއުކްލިއާ ހަތިޔާރުތައް ޓެސްޓުކުރާތީ އެމެރިކާއިންވެސް ހަމަހަމަ ގޮތެއް ގެންގުޅެން ޖެހޭނެ ކަމަށެވެ. ޓްރަމްޕް އެ އިޝާރާތް ކުރެއްވީ ރަޝިޔާ އާއި އެމެރިކާ އާއި ދެމެދު ހަދާފައިވާ ނިއުކްލިއާ އެއްބަސްވުން ރަޝިޔާއިން ބާޠިލް ކޮށް، ނިއުކްލިއާ ހަތިޔާރުތައް ޓެސްޓުކޮށް އަދި ކަނޑުގައި ރޭޑިއޯއެކްޓިވް ބޮޑު ސުނާމީ އެއް ވެސް އުފައްދާނެ ކަމުގެ އިންޒާރު ދީފައިވާ ދަނޑިވަޅެއްގައެވެ.
Advertisement
އެމެރިކާއިން 1992 ވަނަ އަހަރުން ފެށިގެން ނިއުކްލިއާ ޑިވައިސްއެއް ގޮއްވާފައި ނުވާއިރު، ވަރުގަދަ ނިއުކްލިއާ ބޮން ޓެސްޓްކުރުން ހުއްޓައިލިތާ ދިހަވަރަކަށް އަހަރު ވެއްޖެއެވެ.
ޓްރަމްޕުގެ މި ފިޔަވަޅާއެކު ހަތިޔާރުގެ އާ ރޭހެއް އުފެދި، ދުނިޔޭގެ ޤައުމުތަކުން ނިއުކްލިއާ ހަތިޔާރުތައް އަލުން ޓެސްޓުކުރުން އެއީ ދުރުގައިވާ ކަމެއް ނޫނެވެ.
