ބޭންކް އޮފް މޯލްޑިވްސް (ބީއެމްއެލް) އަކީ ދައުލަތުގެ އިދާރާއެއް ކަމުގައި ވިޔަސް، ބޭންކުގެ ޑިރެކްޓަރުންނާއި އިސް މުވައްޒަފުންގެ މުސާރައާއި އިނާޔަތްތަކާއި ޒާތީ މައުލޫމާތު ހާމަކުރަން ނުޖެހޭ ކަމަށް ސުޕްރީމް ކޯޓުން ހުކުމް ކޮށްފިއެވެ.
މި ހުކުމަކީ މައުލޫމާތު ހޯދައި ލިބިގަތުމުގެ ގާނޫނުގެ ދަށުން އާރުޓީއައި އެކްޓިވިސްޓް އައިމަން ލަތީފް އެދުނު މައުލޫމާތެއް ބޭންކުން ހިފެހެއްޓުމާއި ގުޅިގެން ދަށު ކޯޓުތަކުން ބޭންކާއި ދެކޮޅަށް ނިންމާފައިވާ ނިންމުންތަކުގެ ފަހު ބަސް އިއްވި ހުކުމެވެ.
Advertisement
ހައިކޯޓުން އެ މައުލޫމާތު ހާމަކުރުމަށް ހުކުމް ކުރުމުން ބޭންކުން ވަކާލާތު ކުރީ ހައިކޯޓުން ކުންފުންޏާބެހޭ ޤާނޫނުގައިވާ މާނައާއި މަފްހޫމާއި ހިލާފަށް ކަންތައްތައް ބަލައިގެންފައިވާ ކަމަށެވެ. އަދި ބީއެމްއެލްއަކީ ދައުލަތުގެ މަސްއޫލިއްޔަތު އަދާކުރާ ތަނެއް ކަމަށް ހައިކޯޓުން ކަނޑައަޅާފައި ވަނީ ކުންފުންޏާ ބެހޭ ގާނޫނުގައިވާ ކުންފުނީގެ ވަކި ގާނޫނީ ޝަހުސުގެ މަފްހޫމާ ހިލާފަށް ކަމަށްވެސް ބޭންކުން ސުޕްރީމް ކޯޓަށް ހުށަހެޅި އިސްތިއުނާފު ނުކުތާއެއްގައި ވެއެވެ. ބީއެމްއެލުން ބުނީ މިފަދަ ތަފްސީލުތައް ހާމަކުރުމުން ބީއެމްއެލްގެ ވާދަވެރި މަގާމާއި ވިޔަފާރީގެ ސަލާމަތަށް ގެއްލުން ލިބިދާނެ ކަމުގެ ކަންބޮޑުވުންތައް ހުންނާނެއެވެ.
ސުޕްރީމް ކޯޓުން ހައިކޯޓުގެ ހުކުމް ބާތިލް ކުރުމުން، އެ އިދާރާގެ މައުލޫމާތުތައް ހިފެހެއްޓޭނެ ގާނޫނީ ބާރު ލިބުނީއެވެ.
