ރައްޔިތުންގެ މަޖިލީހުގައި މެންބަރުންގެ އަދަދު މަދުކުރުމަށް އަމާޒު ހިފާފައިވާ ހުށަހެޅުމަށް ގައުމުގެ އިސް ސިޔާސީ ޕާޓީތަކުން ތާއީދުކުރާ އަޑު އިއްވައިފި އެވެ. މިކަން އިއުލާން ކުރެއްވީ، މިއަދު އޮތް މިނިވަން މުއައްސަސާތަކުގެ ކޮމިޓީގެ ބައްދަލުވުމުގައިި، އެ ޤަރާރު މުރާޖަޢާ ކުރަމުންނެވެ.
ރައްޔިތުންގެ މަޖިލީހުގެ މެންބަރުންގެ އަދަދު މަދުކުރުމުގެ ގަރާރު ހުށަހެޅުއްވީ ބާރަށު ދާއިރާގެ މެމްބަރު އިބްރާހިމް ޝުޖާ އެވެ. ޝުޖާ ވިދާޅުވި ގޮތުގައި 17 ވަނަ ރައްޔިތުންގެ މަޖިލީހަށް ފަހު ކޮންމެ ފަސް އަހަރަކުން މަޖިލިސް މެމްބަރުންގެ އަދަދު އިތުރުވަމުން އަންނައިރު، މިއީ އާބާދީ އިތުރުވުމާ ގުޅުން ހުރި ކަމެކެވެ.
Advertisement
ސަރުކާރު ކޯލިޝަން ޕީޕީއެމް/ޕީއެންސީ އާއި އިދިކޮޅު އެމްޑީޕީން ވެސް ވަނީ އެކަމާ ގުޅޭ ގޮތުން ދެކޭ ގޮތް ކޮމިޓީއަށް ހުށަހަޅާފަ އެވެ. ޝުޖާ ވަނީ ގާނޫނީ އެއްވެސް އިސްލާހެއް ގެނައުމަށް ފުރިހަމަ މަޝްވަރާތަކެއް ގެންނަން ޖެހޭ ކަމަށް ފާހަގަކުރައްވައި، ލިޔުމުން ފީޑްބެކް ދިނުމަށާއި ކަމާބެހޭ ހުރިހާ މުއައްސަސާތަކާ ގުޅިގެން މަސައްކަތް ކުރުމަށް އިލްތިމާސް ކުރައްވާފަ އެވެ. އޭނާ ވަނީ މިކަމުގައި އާންމުންގެ ޚިޔާލު ހޯދުން މުހިންމުކަމަށް ވެސް ބުނެފައެވެ. މިއީ ސިޔާސީ ޚިޔާލުތަފާތުވުންތައް އެއްފަރާތްކޮށް، ގައުމީ މަސައްކަތެއްގެ ގޮތުގައި ކުރިމަތިލާން ޖެހޭ ކަމެއް ކަމަށްވެސް ޝުޖާ ވިދާޅުވި އެވެ.
އެމްޑީޕީގެ ފަރާތުން ލީގަލް ޑިރެކްޓަރު މަހުފޫޒު ސައީދު ވިދާޅުވީ މެމްބަރުންގެ އަދަދު މަދުކުރުމަށް ނުވަތަ މިހާރު ހުރި އަދަދަށްވުރެ އިތުރު ނުކުރުމަށް ތާއީދު ކުރައްވާކަމަށެވެ. އަދި ގާނޫނަށް އިސްލާހު ހުށަހެޅުމުގެ ކުރިން މިކަމުގައި ހިޔާލާއި މަޝްވަރާ ކުރިޔަށް ގެންދާތީ އެކަން ފާހަގަކޮށް މަހުފޫޒު ވިދާޅުވީ މެމްބަރުންގެ އަދަދު މަދުކުރަންވީ ހަމައެކަނި ހަރަދު ކުޑަކުރުން ނޫން ކަމަށާއި ދިގު މުއްދަތުގެ ހައްލަކަށް އެ މައްސަލައަށް ފުރިހަމައަށް ހައްލެއް ހޯދުމެވެ. އަދި މަޝްވަރާތަކަށް ފަހު ގާނޫނު އަސާސީއަށް ސާފު އިސްލާހުތަކެއް ގެންނަން ޖެހޭ ކަމަށް އޭނާ ފާހަގަކުރެއްވި އެވެ.
އެ ކޮމެޓީން އެއްބަސްވެފައި މެމްބަރުން މަދުުކުރުމުގެ ގަރާރާއިމެދު ޕާޓީތަކުގެ އެތެރޭގައި މަޝްވަރާ ކޮށް ލިޔުމުން ހިޔާލު ހުށަހެޅުމަށެވެ. އަދި ރައީސް އޮފީހުގެ ޕޮލިސީ ކޮމިޓީއާއި، އިލެކްޝަންސް ކޮމިޝަން ފަދަ ކަމާއި ގުޅުންހުރި ފަރާތްތައް ކޮމިޓީއަށް ހާޒިރުކުރުމަށްފަހު ގަރާރާމެދު ގޮތެއް އަންގާނެއެވެ.
