قطرގައި ވާ އެމެރިކާގެ އަޝްކަރީ ބޭހަށް އިރާނުން ހަމަލާ ދީފިއެވެ. އީރާނަކީ މުޅި މެދުއިރުމަތީގައިވެސް އިސްރާއީލް ރުޅި އަންނަ ހަމައެކަނި މިލިޓަރީ ބާރުވެރި ޤައުމެވެ. ބައެއް މަސްދަރުތަކުން ބުނަނީ ރޭ އީރާނުން ޤަޠަރަށް ފޮނުވައިލީ 10 މިސައިލް ޙަމަލާއެވެ. އަނެއްބައި މަސްދަރުތަކުން ބުނަނީ 6 މިސައިލު ޙަމަލާއެވެ. ޤަޠަރަކީ އިސްރާއީލުގެ އެކުވެރިއެކެވެ.
ޤަޠަރުގެ އިތުރުން އިރާޤުގައިވާ އެމެރިކާގެ އަޝްކަރީ ބޭހަށް ވެސް އީރާނުން ހަމަލާތަކެއް ދީފައިވާކަމަށްވެއެވެ، ބަހުރައިނު އާއި ކުވައިތު ވެސް ވަނީ އަތަށް ގެނެސްފައެވެ. މިއީ ހައްތާވެސް އެމެރިކާއާއި އިސްރާލުގެ އެކުވެރި ޢަރަބިންނެވެ. އީރާނުގެ ހަތުރުންނެވެ. މިތަންތަނަށް އީރާނުން ޙަމަލާ ދިނީ އެތަންތަނުގެ މަދަދު ހޯދައިގެން އިސްރާއީލުން އީރާނަށް ޙަމަލާ ދިނުމުންނެވެ. އެހެންކަމުން އީރާނުން އިޒްރޭލަށާއި އެމެރިކާގެ އަޝްކަރީ ތަންތަނަށް ދެމުން އަންނަ ހަމަލާތައް ހުއްޓާލުމަށް ގޮވާލުމުގެ އިޚްތިޔާރު ދުނިޔޭގެ އެއްވެސް ޤައުމަކަށް މިހާރަކު ނެތެވެ،
އީރާނު ވަށައިގެން އެސަރަޙައްދުގައި އެމެރިކާއިން ހަދާފައިވާ ބޭސްތައް. މިކަމުގެ އެއް ބޭނުމަކީ އީރާނުން ފޮނުވަފާނެ ޙަމަލާއަކުން އިސްރާއީލް ސަލާމަތްކުރުން.
އެއީ އިޒްރޭލުން ފަލަސްޠީނުގެ ފަސްދޮޅަސް ހާހަށް ވުރެ ގިނަ ރައްޔިތުން މިހާތަނަށް ޝަހީދުކޮށްފައި ވުމާއި އެމެރިކާ އިސްވެ އެމެރިކާއިން ބޭރުގައި ހިނގި ކަމެއްގެ ތެރެއަށް ވަދެ އިޒްރޭލު ހިމާޔަތްކުރުމަށް އީރާނަށް ހަމަލާ ދީ އީރާނުގެ އެތައް ބަޔަކު ޝަހީދު ކޮށްފައި ވާތީ އާއި މުސްލިމުންގެ ބިންތަކާއި ޤުދުރަތީ ވަޞީލަތްތަކަށް ބާރުފޯރުވައި، މުސްލިމު ދައުލަތްތައް އަޅުވެތި ކުރުމަށް އިޒްރޭލާއި އެމެރިކާ މުސްލިމުންގެ މައްޗަށް ހިންގާ ޤަތުލު ޢާއްމުތަކާއި ޖަރީމާތަކުގައި ހުޅަނގުގެ އިސްތިޢުމާރީ ދައުލަތްތަކުގެ ފުރިހަމަ ބައިވެރިވުން އޮތުމެވެ.
އެމެރިކާއިން ޢަރަބި ޤައުމުތަކުގައި އަޝްކަރީ ބޭސްތައް ޤާއިމުކުރުމުގެ ނިޔަތަކީ ވެސް އިޒްރޭލަށް ރައްކާތެރިކަން ދިނުމެވެ. ޢަރަބިންގެ މައްޗަށް ނުފޫޛު ފޯރުވުމާއި ބިރުދެއްކުމެވެ، އިޒްރޭލުގެ މަސްލަހަތާއި ދެކޮޅަށް ތެދުވާނެ ވެރިޔަކު ޢަރަބި އެއްވެސް ޤައުމެއްގައި ނުބެހެއްޓުމެވެ. ދުނިޔޭގެ ހުރިހާ ޤައުމެއްގެ މައްޗަށް ބަސްކިޔޭ ބާރާއި ނުފޫދު ހިންގޭ ޤައުމެއް ގޮތުގައި އެމެރިކާ ނޫން ޤައުމެއް އޮތަ ނުދިނުމެވެ.
(ލިޔުއްވީ: އަލްއުސްތާޛް ޢަލީ އާދަމް)
