ރައީސް އޮފީހުގެ ކުރީގެ ޗީފް އޮފް ސްޓާފް އަލީ ޒާހިރަށް މޮރިޝަސް ކޮމާޝަލް ބޭންކް (އެމްސީބީ) އަށް 2.3 މިލިއަން ރުފިޔާ ދެއްކުމަށް ސިވިލް ކޯޓާއި ހައިކޯޓުގެ ހުކުމްތައް ސުޕްރީމް ކޯޓުން ކަށަވަރުކޮށްދީފި އެވެ. މި ނިންމުން ސުޕްރީމްކޯޓުން ނިންމަން ޖެހުނީ 2018 ވަނަ އަހަރު އަލީ ޒާހިރުގެ އެކައުންޓުގައި އެކަށީގެންވާ ފައިސާއެއް ނެތި ޗެކެއް ދޫކުރުމުން، އެ އަދަދު އޯވަޑްރާފްޓެއްގެ ގޮތުގައި ބޭންކުން ކަވަރު ކުރުމަށް މެދުވެރިވި ހާދިސާއަކާ ގުޅިގެން ދެކޯޓުން އިއްވި ހުކުމާއި އަލީޒާހިރުއާއި ގުޅޭގޮތުން މިމައްސަލައިގައި މޮރިޝަސް ބޭންކުން ދީފައިވާ ކިތާބީ ހެކިތަކަށްވެސް ބެލުމަށްފަހުގައެވެ.
މި މައްސަލަ ފަށަނީ ކުރީގެ ރައީސް އަންޑަ ސެކްރެޓަރީ އަދި ހައްޖު ކޯޕަރޭޝަންގެ ޗެއާމަން އަބްދުﷲ ނަސީރު މުހައްމަދު އަލީ ޒާހިރުގެ އެކައުންޓުން ޗެކް ނެގި މުއާމަލާތަކަށެވެ. ޒާހިރު ޗެކް ދޫކޮށްފައި ވަނީ އޭނާގެ އެކައުންޓަށް ހަތަރު މިލިއަން ރުފިޔާ ޖަމާކޮށްފައިވާކަން އަންގައިދޭ ބޭންކް ސްލިޕެއްގެ މައްޗަށް ބިނާކޮށެވެ. ނަމަވެސް އެ ފައިސާ އަލީޒާހިރު ބޭންކަށް ދައްކަންޖެހޭއިރު، ދުވަހަކުވެސް އޭނާފެ ފަރާތުން އެފައިސާ ޖަމާކޮށްފައި ނުވާތީ، އެމްސީބީން ވަނީ 2.3 މިލިއަން ރުފިޔާ އަނބުރާ ދެއްކުމަށް ޑިމާންޑްކޮށްފަ އެވެ. ނަމަވެސް އެފައިސާ އަލީޒާހިރު ބޭނުންކުރުމަށްފަހު ބޭންކަކަށް ނުދިނެވެ. އެއަށްފަހު އަލީ ޒާހިރު އެދުނީ ކޯޓުތައް މެދުވެރިކޮށް ބޭންކުގެ ނޯޓިސް ބާތިލް ކުރުމަށެވެ. އަލީޒާހިރު ބުނަނީ ބޭންކުން އޭނާގެ އެކައުންޓުގައި ފައިސާ ނެތީސް ، އޭނާއަށް ބޭޏްކުން ފައިސާ ދިނުމަކީ އޭނާގެ މައްސަލައެއް ނޫނެވެ. އެހެންވެ އެފައިސާ އަނބުރާ ދިނުމަށް އަލީޒާހިރު ދެކޮޅު ހެއްދެވީއެވެ.
Advertisement
ކޮންމެޔަކަސް ، މިމައްސަލައިގައި ސިވިލް ކޯޓާއި ހައިކޯޓުން ވެސް އަލީޒާހިރާ ދެކޮޅަށް ހުކުމް ކުރުމުން، އެ އަދަދު ބޭންކަށް ހަމަޖެއްސުމަށް މަޖުބޫރު ކުރި އެވެ. އެއަށްފަހު ޒާހިރުގެ ގާނޫނީ ޓީމުން ވަނީ އެ މައްސަލަ ސުޕްރީމް ކޯޓަށް ގެންގޮސްފައެވެ. އަޣުލަބިއްޔަތުން ނިންމި ނިންމުމެއްގައި ފަނޑިޔާރު އައިޝަތު ޝުޖޫން މުހައްމަދާއި ޑރ. އަޒްމިރަލްދާ ޒާހިރު ދަށު ކޯޓުތަކުގެ ހުކުމްތަކަށް ތާއީދު ކުރައްވައި ވިދާޅުވީ އެކައުންޓް ބެލެންސް އަށް ބެލުމެއް ނެތި ޗެކެއް ދޫކުރުމުން ބޭންކުތަކަށް ފައިސާ ދޫކުރުމުގެ ހުއްދަ ގާނޫނީ ގޮތުން ލިބިގެންވާ ކަމަށެވެ. އަދި އެފަދަ ހާލަތްތަކުގައި އޯވަޑްރާފްޓުން ފައިސާ ދެއްކުމުގެ ހުއްދަ ވެސް އެމްސީބީގެ ކަސްޓަމަރ އެގްރީމަންޓުގައި ވަނީ ދީފަ އެވެ.
ނަމަވެސް ފަނޑިޔާރު އަލީ ރަޝީދު ހުސެއިން ޚިޔާލުތަފާތުވެވަޑައިގަތީ ޒާހިރުގެ އެކައުންޓުގައި އެންމެ 500 ރުފިޔާ ހުރި ނަމަވެސް 2.3 މިލިއަން ރުފިޔާގެ ޗެކް ދޫކޮށްފައިވާ ކަމަށް ވިދާޅުވެ އެވެ.
ޚިޔާލު ތަފާތުވި ނަމަވެސް، ސުޕްރީމް ކޯޓުގެ އަޣުލަބިއްޔަތުން ކުރިން ކުރި ހުކުމްތައް ބާތިލް ކުރަން އެއްވެސް ސަބަބެއް ނުފެނުނު އިރު، އަލީ ޒާހިރު އެމްސީބީއަށް 2.3 މިލިއަން ރުފިޔާ އަނބުރާ ދައްކަން ޖެހޭކަން އަލުން ކަށަވަރުކޮށްދިނެވެ.
