އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ވޮޝިންޓަނަށް ކުރެއްވާ ދަތުރުފުޅުގައި އެމެރިކާގެ ރައީސް ޖޯ ބައިޑަންއާ ބައްދަލުކުރައްވައި ޝުކުރު އަދާކުރާނެ ކަމަށް ބުނެފިއެވެ.
ޓެލް އަވީވްގެ ބެން ގުރިއޮން އެއާޕޯޓުގައި ވާހަކަ ދައްކަވަމުންވެސް ނަތަންޔާހޫ ވަނީ ޣައްޒާގައި ހިނގަމުންދާ ހަމަނުޖެހުންތަކުގެ ތެރޭގައި އިސްރާއީލަށް ދެއްވި އެއްބާރުލުމާއި ދިގު މުއްދަތަކަށް ބައިޑަން ދެއްވި ޚިދުމަތަށް ޝުކުރު އަދާކުރައްވާނެ ކަމަށް ވިދާޅުވެފަ އެވެ.
Advertisement
ނަތަންޔާހޫގެ މި ދަތުރަކީ ފުޅާ ދާއިރާއެއްގައި ޑިޕްލޮމެޓިކް މިޝަނެއްގެ ތެރެއިން ކުރިއަށް ގެންދާ ދަތުރެކެވެ. މި ދަތުރުގައި އެމެރިކާގެ ކޮންގްރެސްގެ ޖޮއިންޓް ސެޝަނެއްގައި ތަޤްރީރު ކުރުމަށް ހަމަޖެހިފައިވާއިރު، މިއީ ހަނގުރާމައިގައި އިސްރާއީލުގެ މަޤާމަށް އިތުރަށް ވަކާލާތު ކުރުމަށް ބޭނުން ކުރަން ގަސްތުކުރާ ޕްލެޓްފޯމެކެވެ.
ނަތަންޔާހޫގެ މި ދަތުރުގެ ވަގުތަކީ އެމެރިކާގެ ރައީސް ބައިޑަން އިންތިޚާބުގެ ކެމްޕޭން އާދީއްތަ ދުވަހު ނިންމައި ކުރިއަށް އޮތް އިންތިޚާބަށް ޑިމޮކްރެޓިކް ޕާޓީގެ ރިޔާސީ ކެންޑިޑޭޓެއްގެ ގޮތުގައި ނައިބު ރައީސް ކަމަލާ ހެރިސް ރަސްމީކޮށް އެންޑޯސް ކުރުމާ ދިމާވާ ދަނޑިވަޅެވެ.
