މައުލޫމާތު ހޯދުމުގެ ހައްގު (އާރުޓީއައި) ގެ ގާނޫނުގެ ދަށުން މައުލޫމާތު ނުދިން މައްސަލައެއްގައި ކުރީގެ ސަރުކާރާ ދެކޮޅަށް ޖިނާއީ ދައުވާ ކުރުމަށް ޕްރޮސެކިއުޓާ ޖެނެރަލްގެ އޮފީހަށް އިންފޮމޭޝަން ކޮމިޝަނަރު ހުށަހަޅައިފި އެވެ.
އެ މައްސަލައަކީ ކޮވިޑް ވެކްސިންގެ މައުލޫމާތުތަކެއް ސާފުކުރުމަށް 2022 ވަނަ އަހަރު ރައީސް އޮފީހަށް ހުށަހެޅުމުން، ވެކްސިންތަކާ ގުޅޭ މައުލޫމާތު ހިފެހެއްޓުމާ ގުޅޭ މައްސަލައެކެވެ. އޭރު ރައީސް އޮފީސް ހިންގެވީ އިބްރާހީމް މުހައްމަދު ޞާލިޙް އެވެ.
Advertisement
މައުލޫމާތު ހޯދުމުގެ ހައްގު (އާރުޓީއައި) ޤާނޫނަކީ އާންމު އިދާރާތަކުން މަޢުލޫމާތު އެދުމާއި ހޯދުމުގެ ބާރު ރައްޔިތުންނަށް ލިބިދޭ މުހިންމު ޤާނޫނީ އޮނިގަނޑެކެވެ. އާރުޓީއައިގެ ޤާނޫނުގެ ދަށުން ދައުލަތުގެ އޮފީސްތަކުން އެދިފައިވާ މައުލޫމާތު ވަކި މުއްދަތެއްގެ ތެރޭގައި ފޯރުކޮށްދިނުން ލާޒިމުވެގެންވަނީ ވަކި މާއްދާތަކެއްގެ ދަށުން އެ މައުލޫމާތު އިސްތިސްނާކޮށްފައި ނުވާހާ ހިނދަކު އެވެ. މި ޝަރުތުތަކަށް ކުރީގެ ސަރުކާރުން، ޚާއްސަކޮށް ރައީސް އޮފީހުން އަމަލު ނުކުރުމުން، ހާމަކަން ބޮޑުކަމާއި ޖަވާބުދާރީވުމުގެ އުސޫލުތަކަށް ތަބާވުމުގެ މުހިންމުކަމަށް އަލިއަޅުވާލައްވައި، އިންފޮމޭޝަން ކޮމިޝަނަރު ޖިނާއީ ދައުވާ ކުރަން ޖެހުނެވެ.
މިހާރުގެ ވެރިކަމުގެ ތަރުޖަމާނު ހީނާ ވަލީދު ވަނީ މި މައްސަލައަކީ މިހާރުގެ ދައުރާއި ގުޅުން ހުރި މައްސަލައެއް ނޫންކަން ސާފުކޮށްދެއްވާފައެވެ.
އާރުޓީއައިގެ އުސޫލުތައް ހިފެހެއްޓުމަށާއި ރައްޔިތުންނަށް ކަމާބެހޭ މައުލޫމާތު ލިބޭނެ ގޮތް ހެދުމަށް ކުރާ މަސައްކަތަށް އަލިއަޅުވާލާފައެވެ. މި މައްސަލައިގެ ނަތީޖާއަކީ އާރުޓީއައި ގާނޫނު ތަންފީޒު ކުރުން ވަރުގަދަކޮށް، އާންމުންގެ މައުލޫމާތު ހޯދުމުގެ ހައްގު ރައްކާތެރިކުރުމުގައި މުހިންމު ނަމޫނާއަކަށް ވެގެންދާނެ އެވެ.
