ސައުދީ ޕްރޯ ލީގުގެ އަލް-އިއްތިހާދުން މެންޗެސްޓަރ ސިޓީގެ އެޑަރސަން ހޯދުމުގެ މަސައްކަތް ފަށައިފިއެވެ.
ރިޕޯޓްތައް ބުނާ ގޮތުން އެޑަރސަން ހޯދަން އެޓީމުން މިހާރު ވަނީ ޕްރިމިއާ ލީގުގެ ޗެމްޕިއަން މެންޗެސްޓާރ ސިޓީއާއެކު މަޝްވަރާތައް ފަށާފައެވެ.
Advertisement
އުމުރުން 30 އަހަރުގެ އެޑަރސަން ހޯދަން މީގެ ކުރިންވެސް ސައުދީ ޕްރޯ ލީގްގެ ޓީމްތަކުން މަސައްކަތް ކޮށްފައިވާއިރު ކުޅޭނެ މުސާރައަކާ ބެހޭގޮތުން އޭނަ ވަނީ އަލް-އިއްތިހާދާއެކު އެއްބަސްވުމަކަށް އައިސްފައެވެ.
މިވަގުތު ސިޓީއާއެކު އެމެރިކާގައި ޕްރީ-ސީޒަން ހަދަން ގޮސް ހުރި އެޑަރސަން އަށް އަލް-އިއްތިހާދުން 50 މިލިޔަން ޕައުންޑުގެ އަގެއް ހުށަހަޅައިފި ނަމަ އޭނާ ވިއްކާލަން ސިޓީއިން އޮތީ ތައްޔާރަށެވެ.
މީގެ ކުރިން ސައުދީ ލީގުގެ އަލް-ނަސްރުންވެސް ވަނީ އެޑަރސަން ހޯދަން މަސައްކަތްކޮށްފައެވެ. ނަމަވެސް އަލް-ނަސްރުން ހުށަހެޅި އަގު ކުޑަވުމުން ސިޓީއިން ވަނީ އެފަހަރު އޭނަ ނުވިއްކަން ނިންމާފައެވެ.
މިހާތަނަށް ސިޓީއަށް 300 މެޗް ކުޅެ 13 ތަށި އެޑަރސަން ވަނީ ހޯދާފައެވެ.
