ރާއްޖޭގެ އެއްމެ ފުރަތަމަ ނިއުރޯސާޖަން ޑރ. އަލީ ނިޔާފް 9 އަހަރަށް ފަހު އޭޑީކޭ ހޮސްޕިޓަލްއިން ވަކިވެވަޑައިގެން އައިޖީއެމްއެޗްއަށް ބަދަލުވެއްޖެއެވެ.
9 އަހަރާއި 10 މަސްވަންދެން އޭޑީކޭއަށް ހިދުމަތް ކުރި ނިޔާފަކީ ރާއްޖަގައި ހުރި އެންމެ ސީނިއާރ ނިއުރޯސާޖަންއެވެ.
Advertisement
ނިޔުރޯސާޖަރީއާ ގުޅޭ އެކި ދާއިރާތަކުން ދިރާސާތައް ހަދާ އެމެރިކާ، ރަޝިއާ، އިންޑިއާ، ބްރެޒިލް އަދި ނޭޕާލް ފަދަ ގައުމުތަކުން ތައުލީމާއި ތަމްރީން ހޯދާފައިވާ ނިޔާފަކީ މިހާތަނަށް 2000 އަށްވުރެ ގިނަ ނިއުރޯސާޖަރީ ކާމިޔާބުކަމާ އެކު ކޮށްފައިވާ ޑޮކްޓަރެކެވެ.
އޭޑީކޭ ހޮސްޕިޓަލުން 'އެކްސް' ގައި މިއަދު ކުރި ޕޯސްޓެއްގައި ވަނީ، ނިޔާފް އެ ހޮސްޕިޓަލަށް ކޮށްދެއްވި ހިދުމަތްތަކަށް ޝުކުރު އަދާކޮށް، ފާގަތި މުސްތަގުބަލަކަށް އެދިފައެވެ.
ފާހަގަކޮށްލެވޭ ގޮތުގައި ޑރ. ނިޔާފް، މޯލްޑިވްސް ނިއުރޯ އެންޑޮކްރައިން މެޑިކަލް ފެސިލިޓީގައި ވެސް މިއަދުން ފެށިގެން ބައްލަވާނެއެވެ.
