ރާއްޖޭގައި "އަރަބިކް ލޭންގްއޭޖް އިންސްޓިޓީއުޓް" ގެ ނަމުގައި އިންސްޓިޓިއުޓް އެއް ޤާއިމުކުރުމާއި ގުޅޭގޮތުން ސައުދީ އަރަބިއްޔާގެ އަލް އިމާމް މުހައްމަދު އިބްނު ސައުދު އިސްލާމިކް ޔުނިވާސިޓީ އާއެކު މަތީ ތަޢުލީމާއިި މަސައްކަތްތެރިކަމާ ހުނަރުތައް ތަރައްޤީކުރުމާ ވެހޭ ވުޒާރާއިން މަޝްވަރާކޮށްފި އެވެ.
އެގޮތުން، މި މަރުކަޒުގެ ރަޖިސްޓްރީގެ މަސައްކަތާއި މޯލްޑިވިސް ކޮލިފިކޭޝަން އޮތޯރިޓީ (އެމް.ކިއު.އޭ) އިން ކޯސް އެކްރެޑިޓްކުރުމާއި ގުޅޭގޮތުން މަޢުލޫމާތު ޙިއްސާކޮށްފައި ވެއެވެ.
Advertisement
މަތީ ތަޢުލީމާއިި މަސައްކަތްތެރިކަމާ ހުނަރުތައް ތަރައްޤީކުރުމާ ވެހޭ ވުޒާރާއިން ބުނީ މިއީ ދިވެހިރާއްޖޭގެ ދަރިވަރުންނަށް ޢަރަބި ބަސް ދަސްވެ، އެބަހުގައި ކުރިއަރައިގެން ދިޔުމަށް ލިބިގެންދާ ރަނުގެ ފުރުޞަތެއްކަމަށެވެ.
އަލް އިމާމް މުހައްމަދު އިބްނު ސައުދު އިސްލާމިކް ޔުނިވާސިޓީއަކީ ސައުދީ އަރަބިއްޔާގެ ރިޔާދުގައި ހުންނަ އިމާމް ޔުނިވާސިޓީގެ ނަމުން މަޝްހޫރުވެފައިވާ ޔުނިވާސިޓީއެވެ. 1953 ވަނަ އަހަރު އުފެދުނު މި ސަރަޙައްދުގެ މަތީ ތަޢުލީމުގެ ކުރިއަރާފައިވާ އެއް މުއައްސަސާއަކަށް ވެގެން ގޮސްފައިވާއިރު، ޚާއްޞަކޮށް އިސްލާމީ ދިރާސާތަކާއި ޤާނޫނާއި ޢަރަބި ބަހަށް އެ ޔުނިވާސިޓީ ބާރުއަޅައެވެ.
އިސްލާމީ ފިގުހުގެ އިންސްޓިޓިއުޓެއްގެ ގޮތުގައި 1953 ވަނަ އަހަރު އުފެދުނު މި ޔުނިވާސިޓީ ފަހުން 1974 ވަނަ އަހަރު ފުރިހަމަ ޔުނިވާސިޓީއަކަށް ބަދަލުވިއެވެ. އެއީ ސައުދީ އަރަބިއްޔާގެ ފުރަތަމަ ދައުލަތުގެ ބާނީ އިމާމް މުހައްމަދު ބިން ސައުދުގެ ނަމުގައި ނަން ދީފައިވާ ތަނަކަށް ވުމުން އެގައުމުގެ ސަގާފީ އަދި ދީނީ ކަންތަކުގައި އެންމެ ފާހަގަކޮށްލެވޭ ޔުނިވާސިޓީ އެވެ.
އެ ޔުނިވާސިޓީން އެކި ދާއިރާތަކުން އަންޑަގްރެޖުއޭޓް އަދި ޕޯސްޓްގްރެޖުއޭޓް ޕްރޮގްރާމްތައްވެސް ހިންގައެވެ، ހާއްސަކޮށް އިސްލާމީ ޝަރީޢަތް (ޝަރީޢަތް)، ޢަރަބި ބަހާއި، އިޖްތިމާޢީ ޢިލްމުތަކުގެ ފެކަލްޓީތަކުގެ ސަބަބުން އެއީ ދުނިޔޭގައި މަޝްހޫރު ޔުނިވާސިޓީއެކެވެ.
އެ ޔުނިވާސިޓީގައި ޚާއްސަ އިންސްޓިޓިއުޓްތަކާއި ރިސާޗް ސެންޓަރުތަކެއް ހިމެނޭއިރު، އޭގެ ތެރޭގައި އިންސްޓިޓިއުޓް އޮފް އަރަބިކް ލެންގުއޭޖް އަދި އިންސްޓިޓިއުޓް އޮފް އިސްލާމިކް ސްޓަޑީޒް ހިމެނެ އެވެ.
ރާއްޖޭގައި އަރަބި ބަސް ކިޔަވައިދިނުމަށް މަޝްވަރާކުރި ސައޫދީ ޔުނިވާސިޓީގެ މައި ކެމްޕަސް ހުންނަނީ ރިޔާޒުގައި ކަމަށްވާއިރު، ލައިބްރަރީތަކާއި ލެކްޗަރ ހޯލްތަކާއި ރިސާޗް ސެންޓަރުތަކާއި މުނިފޫހިފިލުވުމުގެ ސަރަހައްދުތައް ހިމެނޭ ގޮތަށް ޒަމާނީ ވަސީލަތްތައް އެތަނުގައި ގާއިމްކޮށްފައި ވެއެވެ.
އަދި މުޅި ސައުދީ އަރަބިއްޔާ އާއި އެގައުމުން ބޭރުގައި ވެސް ޔުނިވާސިޓީގެ ގިނަ ބްރާންޗްތައް ހުންނައިރު، އަލް އިމާމް ޔުނިވާސިޓީން ދުނިޔޭގެ ޔުނިވާސިޓީތަކާއި ރިސާޗް ސެންޓަރުތަކާ ޕާޓްނަޝިޕް ހަދައިގެން ޖޮއިންޓް ރިސާޗް ޕްރޮޖެކްޓްތަކާއި ސްޓޫޑެންޓް އެކްސްޗޭންޖް ޕްރޮގްރާމްތައް ފަހިކޮށްދެ އެވެ.
