ފަންނުވެރިކަމުގެ ދާއިރާ ވަރުގަދަ ކުރުމަށް އަންނަ އަހަރުން ފެށިގެން ރައީސް މުހައްމަދު މުއިއްޒު ވަނީ ދައުލަތުގެ ބަޖެޓުން އަހަރަކު 25 މިލިއަން ރުފިޔާ ދޫކުރާނެ ކަމަށް އިއުލާންކޮށްފަ އެވެ. މިކަން އިއުލާން ކުރެއްވީ މޯލްޑިވިއަން އާޓިސްޓް ކޮމިއުނިޓީން ބާއްވާ "އަންވެއިލިން ވިޝަންސް 2024" މައުރަޒަށް ކުރެއްވި ޒިޔާރަތުގައެވެ.
Advertisement
ރައީސް މުއިއްޒު ވަނީ އެކިއެކި ޕްރޮގްރާމްތަކާއި އަމިއްލަ ފަރާތްތަކުގެ އެހީގެ ތެރެއިން ފަންނާނުންނަށް ފުރުސަތު ތަނަވަސްކޮށްދިނުމަށް ސަރުކާރުން ކުރާ މަސައްކަތަށް އަލިއަޅުވާލައްވާފައެވެ. އަންނަ އަހަރުން ފެށިގެން މި މާލީ އެހީގެ ދަށުން ފަންނާނުންގެ ކުރިއެރުމަށް ކޮންމެހެން ބޭނުންވާ އިކުއިޕްމަންޓް ހޯދުމާއި އެހެނިހެން ހަރަކާތްތައް ހިމެނޭނެ އެވެ.
"އަޅުގަނޑުމެންގެ އަމާޒަކީ ގައުމީ އާޓް ގެލެރީ ފުޅާކުރުމާއި ޔޫތު މިނިސްޓްރީގެ ދަށުން ވަސީލަތްތައް ފޯރުކޮށްދިނުން ހިމެނޭ ގޮތަށް މައުރަޒު ޖާގަތައް އިތުރުކުރުން،" ރައީސް މުއިއްޒު ވިދާޅުވި އެވެ. އަދި މުޅި ރާއްޖޭގައި ފަތުރުވެރިކަމަށް އަމާޒުކޮށްގެން ބާއްވާ މައުރަޒުތައް ޕްރޮމޯޓްކޮށް، ބައިނަލްއަގްވާމީ މައިދާނުގައި ދިވެހި ފަންނާނުންނަށް ބައިވެރިވެ، އެކަމުގެ ސަބަބުން ދުނިޔޭގެ ފެންވަރުގައި އާމްދަނީ ހޯދުމުގެ ފުރުސަތު އިތުރުކޮށްދިނުމެވެ.
ރައީސް ވަނީ ކްރިއޭޓަރ އިކޮނޮމީއެއް އުފެއްދުމަށާއި، ފަންނާނުންނާއި، އައިޓީ ޕްރޮފެޝަނަލުންނާއި، ކުޅަދާނަ ފަންނާނުންނަށް އެމީހުންގެ އުފެއްދުންތައް ބައިނަލްއަޤްވާމީ ފެންވަރުގައި މާކެޓް ކުރުމުގެ ފުރުޞަތު ދިނުމަށް އެމަނިކުފާނުގެ ސަރުކާރުން މަސައްކަތް ކުރައްވާކަން ތަކުރާރު ކުރައްވާފައެވެ.
