މިއަދު ހެނދުނު 8 ޖެހީއްސުރެ ކުރިޔަށްދާ ލޯކަލް ކައުންސިލް ތަކުގެ ބައި-އިލެކްޝަނުގައި މިއަދު 3 ޖެހުމާއި ހަމަޔަށް 77 ޕަސަންޓު މީހުން ވޯޓު ނުލާ ކަމަށް އިލެކްޝަން އޮފީހުން ބުނެފިއެވެ.
މުޅި ޖުމްލަ ހަ ދާއިރާގެ ވޯޓުލުން މާލެއާއި އަތޮޅުތަކުގައި ކުރިޔަށްދާއިރު 3 ޖެހުމާއި ހަމަޔަށް ވޯޓު ލާފައިވަނީ ވޯޓު ލުމުގެ ހައްގު ލިބިފައިވާ 13112 މީހުންގެ ތެރެއިން 22.35 ޕަސެންޓު މީހުންނެވެ. އެއީ 2930 މީހުންނެވެ. ވޯޓުނުލާ 10182 މީހުން އަދި އެބަތިއްބެވެ. މިހާތަނަށް ވޯޓުލީ 1347 އަންހެނުންނާއި 1583 ފިރިހެނުންނެވެ.
Advertisement
މިއަދު ހަވީރު 4:00 އާ ހަމައަށް ވޯޓުލުން ކުރިއަށްދާއިރު، ޖުމްލަ ބަހައްޓާފައިވަނީ 25 ވޯޓު ފޮއްޓެވެ.
މިއަދު ވޯޓުލުން ކުރިޔަށްދަނީ މާލެ ސިޓީ ކައުންސިލުގެ ހުޅުމާލެ ދާއިރާގެ ގޮނޑީގެ ބައި އިލެކްޝަން ، މާލެ ސިޓީ ކައުންސިލުގެ މައްޗަންގޮޅި މެދު ދާއިރާގެ ގޮނޑީގެ ބައި އިލެކްޝަން ، ކުޅުދުއްފުށި ސިޓީ ކައުންސިލުގެ ކުޅުދުއްފުށި އުތުރު ދާއިރާގެ ގޮނޑީގެ ބައި އިލެކްޝަން ، ރ. ރަސްމާދޫ ކައުންސިލްގެ އަންހެން މެންބަރުގެ ގޮނޑީގެ ބައި އިލެކްޝަން އަދި ފ. ބިލެތްދޫ ކައުންސިލުގެ ރައީސް އިންތިހާބުކުރުމުގެ ބައި އިލެކްޝަނެވެ.
