ސްކޮލަޝިޕް ލިބޭ ފަރާތްތަކަށް އިސްލާމީ އަގުތައް ބަލައިގަނެ ގައުމަށް ޚިދުމަތް ކުރުމަށް ރައީސް އިލްތިމާސް ކުރައްވައިފި
ހަޔަރ ސެކަންޑަރީ އިމްތިޙާނުން މަތީ ފާސް ހޯދައި ސްޕެޝަލް ސްކޮލަރޝިޕާއި ހައި އެޗީވްމަންޓް ސްކޮލަރޝިޕް ލިބުނު ދަރިވަރުންނާ މުޚާޠަބު ކުރައްވާފައެވެ. މި ރަސްމިއްޔާތުގައި އިސްލާމީ އަގުތައް ދަމަހައްޓައި، ދީނީ ވާޖިބުތަކަށް އިސްކަންދީގެން، ހިތްވަރާއި އަޒުމާއެކު ދިރިއުޅުމުގެ އާ މަރުހަލާ ބަލައިގަތުމަށް ހިތްވަރު ދެއްވިއެވެ.
Advertisement
ރައީސުލްޖުމްހޫރިއްޔާ ވަނީ ފަރުޟު ފަސް ނަމާދު ކޮންމެ ތަނެއްގައި ހުއްޓަސް އަދާކުރުމުގެ މުހިންމުކަން ހަނދާންކޮށްދީ، މުޅި ތައުލީމީ ދަތުރުގައި މައިންބަފައިންގެ ތާއީދު ހަނދާން ބެހެއްޓުމުގެ މުހިންމުކަން ފާހަގަކުރައްވާފައެވެ.
"ކިޔެވުމުގެ ޕްރޮސެސް ކުރިއަށްދާއިރު އެންމެ މުހިންމީ ހަނދާން ބަހައްޓަންވީ ކަމަކީ ދިރިއުޅުމުގައި ވެސް އަދި ކިޔެވުމުގައި ވެސް ކާމިޔާބާއި ނާކާމިޔާބީއާ ކުރިމަތިލާން ޖެހޭނެ ކަމެވެ. ނާކާމިޔާބު ވިޔަސް ނުވަތަ ތިމާ އެގޮތަށް ކަންކަން ނުދާއިރުވެސް ހިތްވަރުގަދަ އަޒުމެއްގައި ހުންނަން ޖެހޭނެ." ބޭނުންވަނީ،" އޭނާ ނަސޭހަތްތެރިވި އެވެ.
އަދި ކިޔެވުމުގެ ތެރޭގައިވެސް އަދި ކިޔެވުމަށްފަހުވެސް ދަރިވަރުން ޤައުމަށް ޚިދުމަތްކުރުމަށް އިސްކަންދޭންޖެހޭކަން ފާހަގަކުރައްވައި، ޤައުމީ ތަރައްޤީއަށް ޙިއްޞާކުރެވޭނެ ގޮތްތަކަށް އަބަދުވެސް ވިސްނުމަށް އިލްތިމާސް ކުރެއްވިއެވެ.
ރައީސުލްޖުމްހޫރިއްޔާގެ ވާހަކަފުޅު ނިންމަވާލައްވަމުން، ދަރިވަރުންނަށް ދިމާވާ ގޮންޖެހުންތަކަށް ހިތްވަރާއެކު ކުރިމަތިލުމަށާއި، ދިރިއުޅުމުގައި ކާމިޔާބީގެ ހަގީގީ މިންގަނޑެއްގެ ގޮތުގައި އަމަލީ މަސައްކަތްތަކާއި ޚިދުމަތް ދެކުމަށް ނަސޭހަތްތެރިވެވަޑައިގެންނެވި އެވެ.
