Sarukaarah ehbaarulun nudhey governor maalihyathu committee ah haazireh nuvi

ޚުލާސާ

ގަވަރުނަރު އަލީ ހާޝިމް މާލިއްޔަތު ކޮމިޓީއަށް ހާޒިރެއް ނުވިއެވެ. ސަރުކާރަށް އެއްބާރުލުން ނުދިނުމަށް އޭނާ ހާޒިރު ނުވީ، ބަލިވެ އުޅުއްވާތީ ކަމަށް މަޖިލީހަށް އެންގުމަށް ފަހުގައެވެ.

އެމްއެމްއޭގެ ގަވަރުނަރު އަލީ ހާޝިމް މިއަދު މާލިއްޔަތު ކޮމެޓީއަށް ހާޒިރެއް ނުވިއެވެ.

ރައްޔިތުންގެ މަޖިލީހުގެ އިދާރާއިން މައުލޫމާތު ލިބިފައިވާ ގޮތުގައި ގަވަރުނަރު މާލިއްޔަތު ކޮމެޓީއަށް ހާޒިރު ނުވީ ބަލިވެ އުޅޭތީއެވެ

މިސަރުކާރު އުފެދުނީއްސުރެ އެމްއެމްއޭއަކުން ސަރުކާރަށް އެއްބާރުލުމެއް ނުލިބެއެވެ. ގައުމުގެ މާލީ ކަންކަމަށް ބޮޑެތި ގޮންޖެހުންތައް ކުރިމަތިވެފައިވާއިރުވެސް ، ސަރުކާރަށް ލަފާ ދިނުމަށް ގަވަރުނަރު ބޭނުންފުޅެެއް ނުވެއެވެ.

ރާއްޖޭގެ އިގްތިސާދު ހީނަރުވީ ކުރީގެ ސަރުކާރުތަކުން ނެގި އިންޓެތެސްޓު ރޭޓު ބޮޑު ލޯނު ތަކުން ކަމަށްވެފައި، މިސަރުކާރުން އެ ދަރަނިތަކަށް މިއަހަރު އެތައް ބިލިއަނެއް ދައްކަންޖެހޭއިރު، އެމްއެމްއޭއިން ސަރުކާރަށް އެއްބާރުލުން ނުދޭތީވެ ރައްޔިތުންގެ މަޖިލީހުގެ މާލިއްޔަތު ކޮމެޓީގައި މަޖިލީހުގެ ނައިބު ރައީސް އަދި ދިއްގަރު ދާއިރާގެ މެމްބަރު އަހުމަދު ނާޒިމް ވަނީ ކަންބޮޑުވުން ފާޅުކޮށް ގަވަރުނަރު މަގާމުން ވަކިކުރުމަށް ރައީސް ޑރ.މުހައްމަދު މުއިއްޒުއަށް ލަފާ އެރުއްވުމަށްވެސް ހުށަހަޅުއްވާފައެވެ.

އަލީ ހާޝިމަށް ގަވަރުނަރުކަން ދިނީ 2019 ވަނަ އަހަރު ސެޕްޓެމްބަރު މަހު އެމްޑީޕީ ސަރުކާރުގައެވެ. މަޖިލީހުގެ 55 މެމްބަރުންގެ ތާއީދާ އެކުގައެވެ.

ސަރުކާރަށް އެއްބާރުލުން ނުދޭ ގަވަރުނަރު މާލިއްޔަތު ކޮމެޓީއަށް ހާޒިރެއް ނުވި

0 ރިއެކްޝަންސް / 0 ކޮމެންޓް