މިއަހަރުގެ ޑިސެމްބަރު މަހުގެ ކުރިން އައްޑޫ ސިޓީ ޝަންގްރިއްލާ ރިސޯޓް އޮޕަރޭޝަނަށް ގެންނަ ހާއްސަ މަސައްކަތްތަކެއް ކުރަމުން އަންނަ ކަމަށް ޓޫރިޒަމް މިނިސްޓަރު އިބްރާޙީމް ފައިސަލް ވިދާޅުވެއްޖެއެވެ.
މިރޭ ޕީއެންސީގެ ޖަގަހަ ޖަލްސާގައި ވާހަކަ ދައްކަވަމުން މިނިސްޓާރ ފައިސަލް ވިދާޅުވީ އައްޑޫ ސިޓީގެ ރައްޔިތުންގެ އުއްމީދުތައް ގުޅިފައިވާ ޝަންގްރިއްލާ ރިސޯޓް ހުޅުވުމަކީ ރައީސް ޑރ.މުޢިއްޒް އައްޑޫ ރައްޔިތުންނަ ވެ ވަޑައިގެންނެވި ވައުދެއް ކަމަށާއި އެކަން އެމަނިކުފާނު މިއަހަރު ޑިސެމްބަރު މަހު އައްޑޫ ސިޓީއަށް ވަޑައިގަތުމުގެ ކުރިން ހާސިލްކުރުމަށް ވަރަށް ހާއްސަ މަސައްކަތްތަކެއް މިހާރު ކުރަމުން ދާ ކަމަށެވެ.
Advertisement
މިގޮތުން އެމަނިކުފާނު އަމިއްލައަށް މިދިޔަ ހަފްތާގައި ޝަންގްރިއްލާގެ މެނޭޖްމެންޓުގެ އިސް ބޭފުޅުންނާއިއެކީ މަޝްވަރާ ކުރެވި އެކަމަށް ހާއްސަކޮށްގެން ޓޫރިޒަމް މިނިސްޓްރީގައި މިހާރު ޓާސްކް ފޯހެއް އެކުލަވާލާފައިވާކަމަށެވެ.
މީގެ އިތުރުން ޗައިނާ އައިޓީބީގައި ޗައިނާގެ އީސްޓަން އެއާލައިންސްގެ ނައިބު ރައީސް އާއި ދާދި ފަހުން ބައްދަލުކުރައްވައި، އައްޑޫއަށް ދަތުރުކޮށް ދިނުމަށް އެދިފައިވާކަމަށާއި އެމަނިކުފާނު ޔަގީން ކުރަނީ މި އަހަރު ތެރޭގައި ޗައިނާގެ އެކި ޕްރޮވިންސްތަކުން އައްޑޫއަށް ޑައިރެކްޓް ފްލައިޓް ޖެއްސޭނެ ކަމަށެވެ.
މި ސަރުކާރުގެ ޕްލޭނަކީ އައްޑޫ، ގއ، ގދ ފުވައްމުލައް އެއްކޮށް ކޮމްބައިންކޮށް އައްޑޫއަށް ޑައިރެކްޓް ފްލައިޓް އެތަނަށް ގެނެވި މޯލްޑިވިައން އާ އެކީގައި އެތަނުގެ ސީޕްލޭން ހަބްގެ މަސައްކަތް ފެށި އެތަނުން ގެނެވޭ ފަތުރުވެރިން ދެން ހުރި ތަންތަނަށް ގެންދިޔުންކަމަށެވެ.
މިނިސްޓާރ ފައިސަލް ވިދާޅުވީ މިސަރުކާރުން އައްޑޫ ރައްޔިތުން އެދޭ ގޮތަށް ޝަންގްރިއްލާ އަލުން ހުޅުވުމަށް އެތަނުގެ އޯނަރުންނާ ހަމައަށް ދަތުރުކުރަން ޖެހުނުކަމުގައިވިޔަސް އެކަންވެސް ކުރައްވާނެ ކަމަށެވެ.
