މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ)ގެ ޗެއާޕާސަންގެ މަޤާމަށް އަބްދުﷲ ގިޔާސް މިއަދު އައްޔަނު ކުރައްވައިފި އެވެ.
ޓޫރިޒަމް ދާއިރާގައި ގިޔާސް މަސައްކަތް ކުރަމުން އަންނަތާ 20 އަހަރުވެފައިވާއިރު އޭނާއަކީ މި ދާއިރާގެ ތަޖުރިބާކާރެކެވެ.
Advertisement
ގިޔާސް އަކީ މޯލްޑިވްސް އެސޯސިއޭޝަން އޮފް ޓްރެވެލް އެޖެންޓްސް އެންޑް ޓުއާ އޮޕަރޭޓާސް (މަޓާޓޯ) ގެ ރައީސްއެވެ. މީގެ އިތުރުން ކުރީގެ ރައީސް އަބްދުﷲ ޔާމީންގެ ވެރިކަމުގައި ގިޔާސް ވަނީ އެމް.އެމް.އޭގެ ބޯޑު މެންބަރުކަންވެސް ކޮށްފައެވެ.
މަގާމާ ހަވާލުވެ ގިޔާސް ވިދާޅުވީ އޭނާގެ އަމާޒަކީ ރާއްޖޭގެ ފަތުރުވެރިކަމުގެ ސިނާއަތު އައު ހަރުފަތަކަށް ގެންދިޔުން ކަމަށާއި ރާއްޖޭގެ ފަތުރުވެރިކަން އިޝްތިހާރުކޮށް ކުރިއެރުވުމަށް ކުރާ މަސައްކަތް އިތުރަށް ފުޅާކުރައްވާނެ ކަމަށެވެ. އަދި މިކަން ހާސިލްވާނެ ކަމުގެ ފުރިހަމަ ޔަގީންކަން އެބައޮތް ކަމަށްވެސް އޭނާ ވިދާޅުވިއެވެ.
ގިޔާސް މި މަގާމާ ހަވާލުވިއުރު މި މަގާމްގައި ކުރިން ހުންނެވީ އައިޝާ ނޫރައިން ޖަނާހުއެވެ. ނޫރައިން ވަނީ މިދިޔަ މެއި މަހު އެ މަޤާމުން އިސްތިއުފާދެއްވާފައެވެ.
