ޔޫރޯ 2024 އަށް ނިމެން އެންމެ މެޗަކަަށް ވެފައިވާއިރު، ގޯލްޑަން ބޫޓް ކާމިޔާބް ކުރާނެ ކުޅުންތެރިޔާ އަދި ނޭނގެއެވެ.
މީގެ ކުރިން ގާޑް މުލާ، މިޝެލް ޕްލެޓިނީ، މާކޯ ވެން ބާސްޓެން، އެލަން ޝިއާރާ އަދި ކްރިސްޓިއާނޯ ރޮނާލްޑޯ ފަދަ މޮޅެތި ކުޅުންތެރިން ހޯދާފައިވާ މި އެވޯޑަލިބިދާނެ 6 ކުޅުންތެރިޔަކު މިހާރުވެސް އެބަތިއްބެވެ. އެއީ ނެދަލެންޑްސްގެ ކޯޑީ ގަކްޕޯ، ޖޯޖިއާގެ ޖޯޖްސް މިކައުޓަޑްޒޭ، ޖަރުމަންގެ ޖަމާލް މުސިއަލާ، ސްލޮވާކިއާގެ އިވާން ޝްރާންޒް އަދި މި މުބާރާތުގެ ފައިނަލްގަ ކުޅޭ އިންޑްލޭންޑްގެ ހެރީކޭންއެވެ.
Advertisement
މީގެން ކޮންމެ ކުޅުންތެރިޔަކު 3 ގޯލް ޖަހާފައިވާއިރު މުބާރާތް ނިމޭއިރު ގޯލް ޖެހި އަދަދު ހަމަހަމަ ވެއްޖެ ނަމަ ދެން ވާނީ ކިހިނެއް؟
ދެ ކުޅުންތެރިން ނުވަތަ އެއަށްވުރެ ގިނަ ކުޅުންތެރިން އެއްވަރަކަށް ގޯލް ޖަހައިގެން މުބާރާތް ނިންމާނަމަ މުބާރާތުގެ އެއްމެ ގިނަ ޖޯލް ޖެހި ކުޅުންތެރިޔާ ހޮވުމުގައި ދެން ބަލާނީ މި ކުޅުންތެރިންގެ ތެރެއިން އެންމެ ގިނަ އެސިސްޓް ހެދި ކުޅުންތެރިޔަކަށެވެ. މިގޮތަށްވެސް އެއްވަރުވެއްޖެ ނަމަ ދެން ރަން ބޫޓް ހޯދުމުގައި ބަލާނީ މި ކުޅުންތެރިންގެ ތެރެއިން އެންމެ މަދު މިނެޓް ކުޅެފައިވާ ކުޅުންތެރިޔާއަށެވެ. ފެނާންޑޯ ޓޮރޭސް ވަނީ 2012 ވަނަ އަހަރު ރަން ބޫޓް މި އުސޫލުން ހޯދާފައެވެ.
ޔޫރޯ ނިމެން އެއްމެ މެޗަކަށް ވެފައި ވާއިރު މިހާރު އޮތް ގޮތުން މި އެވޯޑް ހޯދުން އެއްމެ ކައިރީ ސްޕެއިންގެ ޑެނީ އޮލްމޯއެވެ. އެއީ އޭނާ މި މުބާރާތުގައި ޖަހާފައިވާ 3 ގޯލްގެ އިތުރުން ހަދާފައިވާ 2 އެސިސްޓުގެ ސަބަބުންނެވެ. އެހެން ނަމަވެސް މުބާރާތުގެ ފައިނަލްގަ ކުޅޭ އިންގްލޭންޑުގެ ހެރީ ކޭން، ޖޫޑް ބެލިންގްހަމްގެ އިތުރުން ސްޕޭންގެ ޒުވާން ތަރި ޔަމާލްއަށްވެސް މި އެވޯޑް ހޯދުމުގެ ފުރުސަތު ހަމަ އެބައޮތެވެ.
