ރަމަޟާން މަހު ޢުމްރާއަށް ދާ ފަރާތްތަކުން މި މަހުގެ 26ގެ ކުރިން ވެކްސިން ޖެހުމަށް އަންގައިފިއެވެ.
ދަމަނަ ވެށިން މިއަދު ނެރުނު ނޫސްބަޔާނެއްގައި ވަނީ 1446 ވަނަ އަހަރު ރަމަޟާން މަހު ޢުމްރާއަށް ވަޑައިގަންނަވާ ފަރާތްތަކުން މި ހިނގާ ފެބްރުވަރީ މަހުގެ 28 ވަނަ ދުވަހުގެ ކުރިން ޢުމްރާ ވެކްސިން ޖަހާ ނިންމުމަށް ސަމާލުކަން ދިނުމަށް ބުނެފައެވެ.
އެއްވެސް ސަބަބަކާ ހުރެ އެ މުއްދަތުގައި ވެކްސިން ނުޖެހޭ ފަރާތްތަކަށް ރަމަޟާން މަހުގެ ރޭތަކުގެ ތެރެއިން ދަމަނަ ވެށިން ޚިދުމަތް ދިނުމަށް ކަނޑައަޅާ ގަޑިތަކުގައި ވެކްސިން ޖެހޭނެ އިންތިޒާމް ހަމަޖައްސައިދެވޭނެ ކަމަށް ދަމަނަ ވެށިން ވަނީ ބުނެފައެވެ.
Advertisement
ޢުމްރާ ވެކްސިން ޖަހަން ދާއިރު އައިޑީ ކާޑު، ޕާސްޕޯޓު (އަސްލު ނުވަތަ ފޮޓޯ ކޮޕީ ނުވަތަ ޑިޖިޓަލް ކޮޕީ)، ވޭތުވެދިޔަ 5 އަހަރު ޙައްޖު/ޢުމްރާއަށް ދިއުމަށް ވެކްސިން ޖަހާފައިވާނަމަ ވެކްސިން ޖެހި ކާޑު ނުވަތަ ލިޔުން އަދި ކުޑަ އިރު ވެކްސިން ޖަހާފައިވާ ކާޑު އޮތް ނަމަ އެ ކާޑުވެސް ގެނައުމަށް ދަމަނަ ވެށިން ވަނީ ބުނެފައެވެ.
