ހުޅުމާލެ އާއި ހުޅުލެ ވަށައިގެން 17 ކިލޯމީޓަރަށް ފީނައިގެން ދުނިޔޭގެ އެންމެ ދިގު ސިންގަލް އޯޕަން ވޯޓަރ ޑައިވްގެ ރެކޯޑު ހެދުމަށް އޯޝަން ސިކްސް ފިފްޓީން އިން މަސައްކަތް ފަށައިފިއެވެ.
"އެކްރޮސް މޯލްޑިވްސް" ގެ ނަމުގައި ކުރިއަށްގެންދާ މި ހަރަކާތުގެ ފުރަތަމަ ފިޔަވަހި މިއަދު ހުޅުމާލެ ބީޗް ސަރަހައްދުގައި ވަނީ އިފްތިތާހުކޮށްފައެވެ. އަންނަ ބުދަ ދުވަހު ކުރިއަށްގެންދާ މި ހަރަކާތުގައި 6 ގަޑިއިރަށްވުރެ ދިގުނުވާނެ ގޮތަށް ފީނުމުގެ ރެކޯޑު ހެދުމަށް ރާވާފައިވާ ކަމަށް އޯޝަން ސިކްސް ފިފްޓީން އިން ބުނެއެވެ.
މަސްވެރިކަމާއި ކަނޑުގެ ވަސީލަތްތަކާބެހޭ މިނިސްޓަރު އަހުމަދު ޝިޔާމް މި ހަރަކާތް އިފްތިތާހު ކުރެއްވުމަށްފަހު ވިދާޅުވީ މިފަދަ ހަރަކާތްތަކަކީ ރާއްޖެއަށް ޓޫރިސްޓުން އެޓްރެކްޓްކުރުމަށް މުހިންމު ކަމެއް ކަމަށެވެ. އަދި މި ހަރަކާތުގެ ސަބަބުން ރާއްޖެ ތައާރަފުނުވާ ގިނަ ބަޔަކަށް ރާއްޖެ ތައާރަފުވާނެ ކަމަށް އުންމީދު ކުރައްވާ ކަމަށް ވެސް މިނިސްޓަރު ވިދާޅުވިއެވެ.
Advertisement
އޯޝަން ސިކްސް ފިފްޓީން ރާވާފައިވާ މި ހަރަކާތުގެ ދެވަނަ ފިޔަވަހީގައި ތުރާކުނުން ފެށިގެން އައްޑޫ ސިޓީއާ ހަމައަށް 460 ކިލޯމީޓަރު ދުރުމިނަށް ފީނުމުގެ ރެކޯޑެއް އަންނަ އަހަރު ހެދުމަށް ވަނީ ރާވާފައެވެ
