ސެނެހިޔާ ހޮސްޕިޓަލް ކައިރިން ޒަޚަމްތަކަކާއެކު ދިވެހި ފިރިހެނަކު އޮއްވައި ފެނިއްޖެއެވެ.
މި ހާދިސާއާ ގުޅިގެން ފުލުހުން ދަނީ އެ ސަރަހައްދުގައި ހަރަކާތްތެރިވަމުންނެވެ.
ސޯޝަލް މީޑިއާގައި ދައުރުވަމުންދާ ފޮޓޯތަކުން ދައްކާ ގޮތުގައި ފުލުހުން ވަނީ ސެނެހިޔާ ބިއްދޮށު މަގު ކޯޑަންކޮށް ބަންދުކޮށްފައެވެ. ނަމަވެސް މި ހާދިސާއާ ގުޅޭ އިތުރު ތަފްސީލެއް މިހާތަނަށް ފުލުހުން ހާމަކޮށްފައެއް ނުވެއެވެ.
Advertisement
މި ހާދިސާ ހިނގާފައިވަނީ މާލޭގައި ފަހަކަށް އައިސް ކުއްލި މަރުތަކާއި ގޮތް ނޭނގޭ މަރުތައް އިތުރުވަމުންދާ ދަނޑިވަޅެއްގައެވެ. މިގޮތުން މިދިޔަ ހޮނިހިރު ދުވަހު މާލޭގެ ގެސްޓްހައުސްއެއްގެ ތެރެއިން މަރުވެފައި އޮތް މީހަކު ފެނިފައިވެއެވެ. އޭނާ މަރުވި ގޮތް ނޭނގޭ ކަމަށާއި ޝައްކު އުފެދޭ ކަމެއް ފާހަގަނުކުރެވޭ ކަމަށް ފުލުހުން ވަނީ ބުނެފައެވެ.
