ގދ. ނަޑެއްލާގައި އޭޓީއެމްއެއް ޤާއިމްކުރުމުގެ އެއްބަސްވުމުގައި މިއަދު ސޮއިކޮށްފިއެވެ. މި އެއްބަސްވުމުގައި ސޮއިކުރެވުނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނަޑައްލާ ރައްޔިތުންނާއި ބައްދަލުކުރެއްވުމަށް ބޭއްވި ރަސްމިއްޔާތުގެ ތެރެއިންނެވެ.
މި އެއްބަސްވުމުގައި ސޮއިކޮށްފައިވަނީ ބޭންކް އޮފް މޯލްޑިވްސްއާއި ނަޑައްލާ ކައުންސިލާ ދެމެދުގައެވެ. އެއްބަސްވުމުގައި ނަޑައނަޑައްލާ ކައުންސިލުގެ ފަރާތުން ސޮއިކުރެއްވީ ކައުންސިލުގެ ރައީސް މުޙައްމަދު އަންޝާޢުއެވެ. އަދި ބޭންކް އޮފް މޯލްޑިވްސްގެ ފަރާތުން ސޮއިކުރެއްވީ ޗީފް ބިޒްނަސް އޮފިސަރ މޫސާ ނިމާލްއެވެ.
މި އެއްބަސްވުމުގެ ދަށުން، އޭޓީއެމް ބެހެއްޓުމުގެ މަސައްކަތް ކުރިއަށް ގެންދިއުމަށް ވަނީ ރަށު ކައުންސިލާ ހަވާލުކޮށްފައެވެ. މި މަޝްރޫޢަކީ ސަރުކާރުން މިއަހަރުގެ ނިޔަލަށް ރާއްޖޭގެ ހުރިހާ ރަށެއްގައި އޭޓީއެމްގެ ޚިދުމަތް ދިނުމަށް ނިންމާފައިވާ ނިންމުމުގެ ދަށުން ކުރިއަށްގެންދާ މަޝްރޫޢެކެވެ.
Advertisement
ބޭންކް އޮފް މޯލްޑިވްސްއިން މިހާރު ރާއްޖޭގެ 90 ރަށެއްގައި 150 އޭޓީއެމް ބަހައްޓައިގެން ޚިދުމަތް ފޯރުކޮށްދެމުން ގެންދެއެވެ. އަދި މިއަހަރުގެ މާރިޗު މަހުގެ ނިޔަލަށް އިތުރު 17 ރަށެއްގައި އޭޓީއެމް ބެހެއްޓުމަށް ވަނީ ނިންމާފައެވެ.
މި މަޝްރޫޢު ފުރިހަމަވުމުން، ނަޑައްލާގެ ރައްޔިތުންނަށް ފަސޭހަކަމާއެކު ބޭންކިންގ ޚިދުމަތް ލިބިގެންދާނެއެވެ. މިއީ ރަށުގެ އިޤްތިޞާދީ ހަރަކާތްތައް އިތުރުވެ، ވިޔަފާރިތަކަށް ފަސޭހަވެގެންދާނެ ކަމެއް ކަމަށް ރަށުގެ ރައްޔިތުން ދެކެއެވެ. އަދި މިފަދަ ޚިދުމަތްތައް ރަށްރަށުގައި ޤާއިމްކުރެވިގެންދިއުމަކީ ސަރުކާރުން ރަށްރަށުގެ ތަރައްޤީއަށް ދެއްވާ އަހައްމިއްޔަތުކަމުގެ ހެއްކެއް ކަމުގައިވެސް ބެލެވެއެވެ.
