ރައްޔިތުންގެ ޙާލުއަޙްވާލް ގާތުން ބައްލަވައި ރައްޔިތުންނަށް އެންމެ ބޭނުންވާ ކަންތައްތައް އޮޅުންފިލުއްވައި މަޝްވަރާ ކުރެއްވުމަށްޓަކައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު މާލެ އަތޮޅު ގުޅީ އަށް ވަޑައިގަންނަވާނެ ކަމަށް ރައީސް އޮފީހުން މަޢުލޫމާތު ދެއްވައިފިއެވެ.
ރައީސް ޑރ. މުުޙައްމަދު މުޢިއްޒު މި އާއަހަރު ކުރައްވާ ފުރަތަމަ ދަތުރުފުޅަކީ ކ. ގުޅީ ރައްޔިތުންނާއި ބައްދަލުކުރެއްވުމަށް އެރަށަސް ކުރައްވާ ދަތުރުފުޅެވެ.
މިދަތުރުފުޅުގައި އެރަށުގެ ކައުންސިލާއި އަދި އަންހެނުންގެ ކޮމިޓީއާއި ވެސް އެމަނިކުފާނު ބައްދަލުކުރައްވައި އެރަށުގެ ތަރައްޤީއަށް މިވަގުތު އެންމެ މުހިންމު ކަންތައްތައް ބައްލަވައި އެކަންކަމަށް ޢަމަލީ ސިފަ ގެނައުމަސް މަސައްކަތްޕުޅު ކުރައްވާނެ ކަމަށް މަޢުލޫމާތު ލިބިފައި ވެއެވެ.
Advertisement
ރައީސް ވަނީ މިދިޔަ މަހު އަރިއަތޮޅުގެ ދެކުނުބުރީ ބައެއް ރަށްތަކާއި މާލެ އަތޮޅުގެ ބައެއް ރަށްތަކަށް ވަޑައިގެން ރައްޔިތުންނާއި ބައްދަލުކުރައްވައި ޙާލު ބައްލަވައި، އެރަށްރަށަށް މިވަގުތަށް އެންމެ ބޭނުންވާ މުހިންމު ކަންތައްތައް ކޮށްދެއްވާނެ ކަމުގެ ވަޢުދުތައް ވެވަޑައިގެންފައެވެ.
