ބޯކޮށް ވާރޭވެހި ރާއްޖޭގެ މެދުތެރެއާއި އުތުރުގެ ރަށްތަކާއި ސިޓީތަކުގައި ވަރަށް ބޮޑަށް ފެންބޮޑުވެ، ގެދޮރާއި ވިޔަފާރިތަކާއި ހިފައިގެންގުޅޭ ތަކެއްޗާއި އިންފްރާސްޓްރަކްޗަރ ތަކަށް ގެއްލުން ވަމުންދާއިރު، ސަރުކާރުގެ ކަމާއިބެހޭ އެންމެހައި ފަރާތްތަކުންނާއި ޢާންމުން ފެން ހިންދުމުގެ މަސައްކަތް ކުރަމުން އެބަ ދެއެވެ.
އަތޮޅުތަކުން ޚަބަރުތައް ލިބޭ ގޮތުގައި ބައެއް ރަށްރަށުގައި ފެންބޮޑުވެފައިވާއިރު، ގިނަ ސަރަހައްދުތަކުގައި ރައްޔިތުން ދަނީ ފެންބޮޑުވެފައިވާ ގެތަކާއި މަގުތަކުން ފެން ހިއްކުމުގެ މަސައްކަތްތަކުގައި ބައިވެރިވަމުންނެވެ.
މާލޭގައި ސިފައިންނާއި ފުލުހުން ރިލީފް އޮޕަރޭޝަންތަކުގައި ހަރަކާތްތެރިވަނީ ގެއްލުން ކުޑަކުރުމަށާއި އާންމު ހާލަތަށް ގެނައުމަށެވެ.
Advertisement
މިހާރު ކުރަމުންދާ ވިއްސާރައިގައި ދ. ކުޑަހުވަދޫގެ މަންޒަރެއް.
ބ. އަތޮޅުން ފެށިގެން ތ. އަތޮޅާއި ހަމަޔަށް މިރޭ މޫސުން އިތުރަށް ނުރައްކާވާނެ ކަމަށް ލަފާ ކުރެވޭތީވެ، މިހާރު ވަނީ 11:00 އާ ހަމައަށް އޮރެންޖު އެލާޓު ވެސް ނެރެފައިކަން ފާހަގަ ކުރެވެއެވެ.
ކަމާބެހޭ ފަރާތްތަކުން ވަނީ ހާއްސަކޮށް ފަސޭހައިން ފެންބޮޑުވާނެހެން ނުވަތަ މޫދާއި ކައިރީގައި ދިރިއުޅޭ ރަށްފުށުގެ ރައްޔިތުންނަށް އިތުރަށް ސަމާލުވުމަށް އިލްތިމާސް ކޮށްފައެވެ. އަދި ރައްކާތެރިކަމުގެ ފިޔަވަޅުތައް އެޅުމަށް ކައުންސިލްތަކުން ވެސް ދަނީ އިލްތިމާސް ކުރަމުންނެވެ.
ސަރުކާރުން ދަނ އިމަޖެންސީ ރެސްޕޮންސް ޓީމުތައް އެކްޓިވޭޓްކޮށް، ރިލީފް ފިޔަވަޅުތައް ކޯޑިނޭޓްކޮށް، ގެއްލުން ލިބޭ ފަރާތްތަކުގެ ބޭނުންތަކަށް ހައްލު ހޯދައިދިނުމުގައި އެހީތެރިވަމުންނެވެ.
