އެމެރިކާގެ ކުރީގެ ރައީސް ޖޭމްސް އާލް ކާޓަރ ޖޫނިއަރ އަވަހާރަވުމާ ގުޅިގެން، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެމެރިކާގެ ސަރުކާރަށާއި ރައްޔިތުންނަށް ތައުޒިޔާ ފޮނުއްވައިފިއެވެ.

ރައީސް އެކްސްގައި ކުރެއްވި ޕޯސްޓުގައި ވިދާޅުވެފައިވަނީ، ކުރީގެ ރައީސް ޖޭމްސް އާލް ކާޓަރ ޖޫނިއަރ އަވަހާރަވިކަން އެނގިވަޑައިގެންނެވީ ވަރަށް ބޮޑު ހިތާމައަކާއެކުގައި ކަމަށެވެ.

"މި ޤައުމީ ގެއްލުމުގެ ވަގުތުގައި، އެމެރިކާގެ ރައްޔިތުންނަށާއި ސަރުކާރަށް، އަދި ޚާއްޞަކޮށް ކުރީގެ ރައީސް ކާޓަރުގެ ލޮބުވެތި ޢާއިލާއަށް ފުން ހަމްދަރުދީ ފާޅުކުރުމުގައި، ދިވެހި ސަރުކާރާއި ރައްޔިތުން އަޅުގަނޑާ ގުޅިވަޑައިގަންނަވައެވެ." ރައީސްގެ ޕޯސްޓުގައި ވިދާޅުވެފައިވެއެވެ.

ރައީސް ކާޓަރަކީ އެމެރިކާގެ 39 ވަނަ ރައީސެވެ. އޭނާ އަވަހާރަވީ 98 އަހަރުގައި، އެމެރިކާގެ ޖޯޖިއާ ސްޓޭޓްގެ ޕްލެއިންސް ސިޓީގައި ހުންނަ އޭނާގެ ގޭގައެވެ.