ރައީސް މުޢިއްޒުގެ ސަރުކާރާއި ޑރ. ޖަމީލް މުހައްމަދު އަހުމަދު ނުރުހެނީ ރިޔާސީ ޓިކެޓުގެ މައްސަލައިގައިކަން ކަށަވަރުވެއްޖެއެވެ.
ސޯޝަލް މީޑިއާގައި ދައުރުވަމުންދާ ލީކުވެގެން އުޅޭ އޯޑިއޯ ކްލިޕްއެއްގައި ޑރ. ޖަމީލް އާއި ރައީސް ޔާމީންއާއި ދެމެދު ދެކެވުނު ވާހަކަތަކަކީ ނުވަތަ އެ ފޯނު ކޯލަަކީ ރައީސް މުޢިއްޒުއަށް ރިޔާސީ ޓިކެޓު ލިބުނު ދުވަސްވަރު ކުރެވުނު މުއާމަލާތެއްކަމަށް ބެލެވެއެވެ.
މި އޯޑިއޯ ކްލިޕަގައި "ބަދަލުވީމަ ވާގަޮތަކީ ވަރަށް ކޮންފިއުޒިންގ އަސްލު އިއްޔެއިއްސުރެން ވަގުތެއް ލިބިގެން އަސްލު ހަގީގަތުގަ މިގޮތަށް ވެގެން ދިޔައިމަ" މި އިބާރާތުން މުހާތަބުކުރައްވާފައިވެއެވެ. އޭނާ އެގޮތަށް ވިދާޅުވީ ޕީއެންސީއަށް ޑރ. މުޢިއްޒު ވަޑައިގަތުމާއި ވިދިގެންނެވެ.
Advertisement
ރައީސް ޑރ. މުޢިއްޒުއަށް އޭރު ޓިކެޓު ލިބިވަޑައިގަތުމުން ޑރ.ޖަމީލު ހައިރާންވެވަޑައިގަންނަވާ ފަދަ ގޮތަކަށް މިގޮތަށް މުޚާތަބުކުރެއްވުމުން ޕީ.ޕީ.އެމް، ޕީ.އެން.ސީގެ ރިޔާސީ ޓިކެޓް ޑރ. ޖަމީލު އަމިއްލަފުޅަށް ބޭނުންވެވަޑައިގަންނަވާތީކަން ދޭހަވެއެވެ.
މިފަދަ މޭރުމަކުން މުޚާތަބުކުރައްވާފައިވާއިރު، ޑރ، ޖަމީލު ދަަނީ ސަރުކާރަށާއި ރައީސް ޑރ.މުޢިއްޒުއަށް ރައްދުވާގޮތަށް ތަފާތު ޕޯޑިއަމްތަކުގައި ފާޑުވިދާޅުވަމުންނެވެ. އަމިއްލަފުޅު އެދުމެއް ހާސިލުނުވުމުން ޑރ. ޖަމީލަކީ އަބަދުވެސް އެ ފަރާތަކާ ދެކޮޅުވާ ބޭފުޅެއްކަން މީގެކުރިންވެސް ވަނީ ހާމަވެފައެވެ. އެގޮތުން ރައީސް ޔާމީންގެ ސަރުކާރުގައި ޑރ. ޖަމީލު ނައިބު ރައީސްކަމުގެ މަގާމުން ދުރުކުރެއްވުމުން ރައީސް ޔާމީނާ ދެކޮޅަށް އިދިކޮޅު ފަރާތްތަކާ ގުޅިގެން ސަރުކާރާ ދެކޮޅަށް ޑރ. ޖަމީލު ވަނީ ކެމްޕެއިން ކުރައްވާފައެވެ.
މީގެއިތުރުން ޑރ، ޖަމީލުގެ އާއިލާ ބޭފުޅެއްކަމަށްވާ މުޙައްމަދު މަލީހު ޖަމާލުވެސް ދަނީ ރައީސް މުޢިއްޒުގެ ސަރުކާރާ ދެކޮޅަށް ސޯޝަލް މީޑިއާގައި ފާޑުކިޔަމުންނެވެ. އެގޮތުން އެބޭފުޅާވެސް އެކަން އެގޮތަށް ކުރައްވަނީ މިނިސްޓަރުކަން ނުލިބުމުންކަމަށް އަޑުތައްވަނީ ފެތުރިފައެވެ.
