ހދ. ކުރިނބީ އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ ބައި-އިލެކްޝަންގައި ވެރިކަން ކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) އިން ތިމް ގޮނޑި ވެސް ހޯދައިފިއެވެ. މިއަދު ހެނދުނު 8:00 އިން ހަވީރު 4:00 އަށް ކުރިއަށްދިޔަ މި އިންތިޚާބުގައި ޕީއެންސީގެ 3 ކެންޑިޑޭޓުންނާއި އެމްޑީޕީގެ 3 ކެންޑިޑޭޓުން ވާދަކުރިއެވެ.
އިލެކްޝަންސް ކޮމިޝަނުން ޢާންމުކޮށްފައިވާ ވަގުތީ ނަތީޖާއިން ދައްކާގޮތުގައި މި ބައި-އިލެކްޝަން ކާމިޔާބުކޮށްފައިވަނީ ޕީއެންސީގެ 3 ކެންޑިޑޭޓުންނެވެ. އެއީ ފާޠިމަތު ނާފިޡާ އިސްމާޢީލް (ވީނަސް)، އިނާސާ އާދަމް (ދޫގަސް) އަދި ރާނިޔާ މުޙައްމަދު (ފަލަކް) އެވެ.
މި ކާމިޔާބާ ގުޅިގެން ޕީއެންސީގެ ރައީސް އަދި ޕާޓީގެ އާންމު މެންބަރުންގެ ނަމުގައި ކާމިޔާބު ހޯދި 3 ކެންޑިޑޭޓުންނަށް ވަނީ މަރުޙަބާ ދަންނަވާފައެވެ.
