ރައްޔިތުންގެ މަޖިލީހުގެ ރައީސްގެ މަގާމަށް ޕީއެންސީގެ ޗެއާޕާސަން އަދި ފޮނަދޫ ދާއިރާގެ އިންތިހާބީ މެމްބަރު އަބްދުއްރަހީމް އަބްދުﷲ އަދި ނައިބު ރައީސްގެ މަގާމަށް ދިއްގަރު ދާއިރާގެ އިންތިހާބީ މެމްބަރު އަހުމަދު ނާޒިމް އިންތިހާބުކުރަން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ހުށަހަޅުއްވައިފި އެވެ.
ރައީސް މުއިއްޒު އެގޮތަށް ހުށަހެޅުއްވީ މިހާރު މުލިއާގޭގައި ސަރުކާރާއި ސަރުކާރު ކުންފުނިތަކުގެ ވެރިންނާއި ސަރުކާރު ހިންގާ ޕީއެންސީގެ މަޖިލިސް މެމްބަރުންނާއި އެ ޕާޓީގެ އިންތިހާބީ މަޖިލިސް މެމްބަރުންނާ އެކުގައި ކުރިއަށްގެންދާ މަޝްވަރާ ބައްދަލުވުމުގެ ތެރެއިންނެވެ.
Advertisement
ރައްޔިތުންގެ މަޖިލީހުގެ 20 ވަނަ ދައުރު ފަށާނީ މެއި 28 ގައެވެ.
ނިމިދިޔަ މަޖިލިސް އިންތިހާބު ބޮޑު އަގުލަބިއްޔަތަކުން ކާމިިޔާބުކޮށް، ޕީއެންސީއަށް ވަނީ ސުޕަ މެޖޯރިޓީ ލިބިފަ އެވެ. އެހެންކަމުން މަޖިލީހުގެ ރައީސްކަމާއި ނައިބު ރައީސްކަން ލިބޭނީ އެ ޕާޓީން ނިންމާ ބޭފުޅަކަށެވެ.
އެ މަގާމުތަކަށް ބޭފުޅުން އައްޔަންކުރަން ސިއްރު ވޯޓެއް ނަގާނީ މެއި 28 ވަނަ ދުވަހު މެންބަރުން ހުވާ ކުރެއްވުމަށްފަހު އެވެ.
