ޕޮލިޓެކްނިކާއި ލިއޯ ކުންފުނި ގުޅިގެން އިންޓާންޝިޕް ޕްރޮގްރާމްތަކެއް ފަށަނީ

މޯލްޑިވިސް ޕޮލިޓެކްނިކްގެ ދަރިވަރުންނަށް ލިއޯ ކުންފުނީގެ ފަރާތުން އިންޓާންޝިޕްގެ ފުރުޞަތުތަށް ފަހިކޮށްދިނުމަށް އަމާޒުކޮށް އެއްބަސްވުމެއްގައި ސޮއިކޮށްފިއެވެ.

މި އެއްބަސްވުމުގައި، މޯލްޑިވިސް ޕޮލިޓެކްނިކްގެ ފަރާތުން ސޮއިކުރައްވާފައިވަނީ އެ އިދާރާގެ ސީއީއޯ، ޛޫޝާން ކަމާލުއްދީނެވެ. އަދި ލިއޯ ޓްރޭޑިންގ ކުންފުނީގެ ފަރާތުން އެ ކުންފުނީގެ ޖެނެރަލް މެނޭޖަރ، މިޒާލް މުޙައްމަދު ވަނީ މި އެއްބަސްވުމުގައި ސޮއިކުރައްވާފައެވެ.

ޕޮލިޓެކްނިކް އަދި ލިއޯ ކުންފުންޏާއި ދެމެދު ވެވުނު މި އެއްބަސްވުމުގެ ދަށުން، ދިވެހިރާއްޖޭގެ ލޮޖިސްޓިކްސް ދާއިރާއަށް 22 އަހަރު ޙިދުމަތްކޮއްދެއްވާފައިވާ، ލިއޯ ޓްރޭޑިންގ ކުންފުނީގައި ޢުޖޫރައަކާއިއެކު، އިންޓާންޝިޕް ފުރިހަމަކޮށް، ޢަމަލީ ތަޖުރިބާ ހާޞިލުކުރުމުގެ ފުރުޞަތު ޕޮލިޓެކްނިކްގައި ތަމްރީނުވަމުންދާ ދަރިވަރުންނަށް ވަނީ ހުޅުވާލެވިފައެވެ.

މޯލްޑިވްސް ޕޮލިޓެކްނިކުން އަންނަނީ ރާއްޖެއަށް ބޭނުންވާ ދާއިރާތަކުން މީހުން ބިނާކުރުމަށް ގިނަ މަސައްކަތްތަކެއްކުރަމުންނެވެ. އެގޮތުން އަމިއްލަ ކުންފުނިތަކާއި އެކު، ޖަމިއްޔާ ޖަމާއަތްތަކާއި ގުޅިގެންވެސް ތަފާތު އެކި ޕްރޮގްރާމްތައް އަންނަނީ ރާވާ ހިންގަމުންނެވެ.