ރައީސް ޑރ. މުހައްމަދު މުއިއްޒު 'ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑް'ގެ ނަމުގައި ދިވެހި ސަރުކާރުގެ %100 ހިއްސާވާ ސަރުކާރު ކުންފުންޏެއް މިއަދު އުފައްދަވައިފި އެވެ.
އެ ކުންފުނި އުފައްދާފައިވަނީ ކުންފުނީގެ ގާނޫނުގެ 15 ވަނަ މާއްދާއިން ރައީސުލްޖުމްހޫރިއްޔާއަށް ލިބިދޭ ބާރުގެ ދަށުންނެވެ.
Advertisement
ޑިވެލޮޕްމަންޓް ބޭންކް އޮފް މޯލްޑިވްސް ކުންފުނީގެ މައިގަނޑު މަގްސަދުތަކަކުގެ ތެރޭގައި ހިމެނެނީ، ސަރުކާޜުގެ ސިޔާސަތުތަކާ އެއްގޮތްވާ ގޮތުގެ މަތިން:
- ދެމެހެއްޓެނިވި އިގްތިސާދީ އަދި އިޖުތިމާއީ ތަރައްގީއަށް އިންވެސްޓުކުރުން
- އުމްރާނީ ތަރައްގީއަށް ބޭނުންވާ ފައިސާ ހޯދުން
- ސިންޑިކޭޝަން ފައިނޭންސް މެދުވެރިކޮށް ޕީ.އެސް.އައި.ޕީ މަޝްރޫއުތަކަށް ފައިސާ ފޯރުކޮށްދިނުމުގައި ދިމާވާ ގޮންޖެހުންތައް ހައްލުކުރުން
- ދިވެހިރާއްޖޭގެ ބޭންކިން ނިޒާމުގައި ބޭރު ފައިސާ ބެހެއްޓުމުގެ ޝައުޤުވެރިކަން އިތުރުކުރުން
ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑްގެ ރަޖިސްޓްރީ ކޮށްފައިވާ އެޑްރެހަކީ، މިނިސްޓްރީ އޮފް ފިނޭންސް، އަމީނީމަގު، 20379، މާލެ، ދިވެހިރާއްޖެ އެވެ.
