މި އަހަރުގެ މިހާތަނަށް ސަރުކާރުން ބަދަލުގެ ގޮތުގައި 113 މިލިއަން ރުފިޔާ ދޫކޮށްފިއެވެ.
ފިނޭންސް މިނިސްޓްރީން މިދިޔަ އޭޕްރީލް މަހުގެ 25 ވަނަ ދުވަހު އާންމުކޮށްފައިވާ ފިސްކަލް ޑިވެލޮޕްމަންޓް ރިޕޯޓުން ދައްކާ ގޮތުގައި މި އަހަރުގެ މިހާތަނަށް ސަރުކާރުން ވަނީ ބަދަލުގެ ގޮތުގައި 113 މިލިއަން ރުފިޔާ ދޫކޮށްފައެވެ. މިދިޔަ އަހަރު އެ މުއްދަތުގައި ބަދަލުގެ ގޮތުގައި ދޫކޮށްފައިވަނީ 100 މިލިއަން ރުފިޔާއެވެ.
Advertisement
އެ ފައިސާ ދޫކޮށްފައިވަނީ ކޮން ފަރާތްތަކަށް ކަމެއް މިނިސްޓްރީން ހާމަކޮށްފައެއް ނުވެއެވެ.
ފިސްކަލް ޑިވެލޮޕްމަންޓް ރިޕޯޓުން ދައްކާ ގޮތުގައި ބަދަލުގެ ގޮތުގައި ދިނުމަށް މި އަހަރުގެ ބަޖެޓްގައި ކަނޑައަޅާފައިވަނީ 101 މިލިއަން ރުފިޔާއެވެ. އެ ރުފިޔާއަކީ އާބިޓްރޭޝަނަކަށް ދައްކަން ޖެހޭ ފައިސާ ކަމަށް ފިނިސްޓްރީން މީގެ ކުރިން ބުނެފައިވެއެވެ.
މިނިސްޓްރީން މީގެ ކުރިން ބުނެފައިވަނީ ވީކްލީ ފިސްކަލް ޑިވެލޮޕްމަންޓްސް ރިޕޯޓުން މި އަހަރު ބަދަލުގެ ގޮތުގައި ދިނުމަށް ހަމަޖެހިފައިވާ ކަމަށް ފެންނަ އަދަދަކީ އިންޓަރނޭޝަނަލް އާބިޓްރޭޝަންއަކާ ގުޅިގެން އެ "ޓްރާންސެކްޝަން" ޕަބްލިކް އެކައުންޓިންގ ސިސްޓަމްއަށް ޕޯސްޓްކުރުމުން ރިޕޯޓު ކުރެވިފައިވާ އަދަދެއް ކަމަށެވެ. އަދި 17 ނޮވެމްބަރު 2023 ގައި، މި ސަރުކާރު ހަވާލުވިއިރު، ގެއްލުމުގެ ބަދަލުގެ ގޮތުގައި އެކި ފަރާތްތަކަށް ދައުލަތުގެ ބަޖެޓުން ޚަރަދުކުރުމަށް ނިންމާފައިވާ ނިންމުންތަކުގެ އިތުރުން އިންޓަރނޭޝަނަލް އާބިޓްރޝަނުން ދައުލަތާ ދެކޮޅަށް ނިންމާފައިވާ މައްސަލަތަކާ ގުޅިގެން ބައެއް ފަރާތްތަކަށް ފައިސާ ދޫކުރުމަށް ނިންމާފައިވާ ކަމަށެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވެރިކަމާއި ހަވާލުވެވަޑައިގަތުމަށްފަހު، ގެއްލުމުގެ ބަދަލު ނަގައިދިނުމަށް މިދިޔަ ސަރުކާރުން އުފައްދާފައިވާ ސެޓްލްމަންޓް ކޮމިޓީ އުވާލައ،ި އެ ކޮމިޓީން ބެލި މައްސަލަތައް، ބަންޑާރަނައިބުގެ ލަފައާއެކު އަލުން މުރާޖައާ ކުރުމުގެ މަސައްކަތް ވަނީ ފަށާފައެވެ.
