ހުޅުމާލޭގައި ކެރޭނެއް ފުރޮޅާލައިފި، އެއްވެސް މީހަކަށް އަނިޔާއެއްނުވޭ

ހުޅުމާލޭ ދެވަނަ ފިޔަވަހީގައި ހުރި އެމްޕީއެލް ފްލެޓްތައް ކައިރިން ކެރޭނެއް ފުރޮޅާލައިފިއެވެ.

މި ހާދިސާ ހިނގާފައިވަނީ މިއަދު ހެނދުނުގެ ވަގުތެއްގައެވެ.

ފުލުހުން ބުނީ މި ހާދިސާގައި އެއްވެސް މީހަކަށް އަނިޔާއެއް ވެފައި ނުވާކަމަށެވެ. އަދި ފުލުހުންނަށް މި ހާދިސާގެ މަޢުލޫމާތު ލިބުމާއެކު ވަގުތުން ތަޙުޤީޤު ފަށާފައިވާ ކަމަށް ވެސް ބުންޏެވެ.

ސޯޝަލް މީޑިއާގައި ދައުރުވަމުންދާ ވީޑިއޯތަކުން ފެންނަ ގޮތުގައި ކެރޭނު ފުރޮޅާލާފައިވަނީ އެމްޕީއެލް ފްލެޓްތަކާ ވަރަށް ކައިރިންނެވެ. ނަމަވެސް، މި ހާދިސާގައި ލިބުނު ގެއްލުމުގެ ތަފްސީލީ މަޢުލޫމާތު މިހާތަނަށް ހާމަކޮށްފައެއް ނުވެއެވެ.

މި ކެރޭނަކީ ކޮން ބާވަތެއްގެ މަސައްކަތެއްގައި ބޭނުންކުރަމުންދިޔަ ކެރޭނެއްކަން ވެސް އަދި ސާފުވެފައެއް ނުވެއެވެ. އަދި މި ހާދިސާ ހިނގި ސަބަބާ ގުޅޭގޮތުން ވެސް އިތުރު މަޢުލޫމާތެއް ލިބިފައެއް ނުވެއެވެ.

ފުލުހުން އަންނަނީ މި ހާދިސާ ތަހުޤީޤުކުރަމުންނެވެ.