ފްރާންސްގެ ވެރިރަށް ޕެރިހުގައި ބޭއްވުނު އޮލިމްޕިކްސްގެ ޕެރަ ގޭމްސްގައި ރާއްޖެ ތަމްސީލުކުރި ދެ ދުވުންތެރިން ކަމަށްވާ ފާތިމަތު އިބްރާހީމް (ފާތުން) އާއި އަބްދުލް ރައްޒާގު އަބްދުލް ސަމަދު ހޯދި ކާމިޔާބީ ފާހަގަކުރައްވައި، ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢު ހިތްވަރުދެއްވައިފިއެވެ.
މި ފަހަރުގެ ގޭމްސްގައި އަބްދުލް ރައްޒާގު ވަނީ ފިރިހެނުންގެ 100 މީޓަރު ދުވުމުގައި 14.46 ސިކުންތުން ރޭސް ނިންމައި، ހީޓުގެ ތިންވަނަ ހޯދާފައެވެ. ފާތުން ވަނީ އަންހެނުންގެ 100 މީޓަރު ދުވުން 17:10 ސިކުންތުން ނިންމައި، ޕެރަ އިވެންޓުގެ ގައުމީ ރިކޯޑެއް ހަދާފައެވެ.
ވަޒީރު ޢަބްދުﷲ ރާފިޢު ވިދާޅުވީ، މި ދެ ދުވުންތެރިންގެ ކާމިޔާބީއަކީ ރާއްޖޭގެ ޕެރަ ކުޅިވަރުތަކަށް ލިބުނު ވަރަށް ބޮޑު ކުރިއެރުމެއް ކަމަށެވެ. އަދި ކުރިއަށް އޮތް ތަނުގައި ރާއްޖޭގެ ޕެރަ ކުޅިވަރުތައް އިތުރަށް ކުރިއެރުވުމަށް ސަރުކާރުން މަސައްކަތް ކުރާނެ ކަމަށްވެސް އެ މަނިކުފާނު ވިދާޅުވިއެވެ.
Advertisement
މި ދެ ދުވުންތެރިންގެ ކާމިޔާބީއާ ގުޅިގެން، ރާއްޖޭގެ ޕެރަ ކުޅިވަރުތަކަށް އިތުރު ސަމާލުކަމެއް ލިބޭނެއެވެ. އަދި ކުޅިވަރުގެ ދާއިރާގައި މަސައްކަތްކުރާ ފަރާތްތަކުން ފާހަގަކުރާ ގޮތުގައި މިއީ ރާއްޖޭގެ ކުޅިވަރު ދާއިރާއަށް ލިބުނު ވަރަށް ބޮޑު ކުރިއެރުމެކެވެ.
