ހަރުދަނާ ޒުވާން ޖީލެއް ބިނާކުރުމަށް ކޮންމެ މާމައަކާއި ކާފަޔެއްގެ ނަސޭހަތާއި މަގުދެއްކުމުގެ މުހިންމު ކަމަށް ރައީސް ޑރ. މުޙައްމަދު މުޢިއްޒު މިއަދު ވިދާޅުވެއްޖެއެވެ. ރައީސް މިހެން ވިދާޅުވީ، މިއަދު ފާހަގަކުރާ ޤައުމީ މާމަ ކާފަ ދުވަހާ ގުޅިގެން ފޮނުއްވެވި ތަހުނިޔާގެ މެސެޖުގައެވެ.
ރައީސްގެ މެސެޖުގައި، ހަރުދަނާ ޒުވާން ޖީލެއް ބިނާކުރުމަށް މާމަ-ކާފަގެ ނަސޭހަތާއި މަގުދެއްކުން މުހިއްމުކަން ފާހަގަކުރެއްވިއެވެ. އަދި އެހެންމެ، ޢާއިލީ ތަރައްޤީއާބެހޭ ވުޒާރާއިން މާމަ-ކާފައާއެކު އުފާވެރި ވަގުތު ހޭދަކުރުމަށާއި، ޢާއިލާގެ ގުޅުން ބަދަހިކުރުމަށް ގޮވާލައްވާފައިވެއެވެ.
Advertisement
މީގެއިތުރުން، މާމަ-ކާފައަށް ރައްކާތެރި މާހައުލެއް ހޯދައިދިނުމާއި، ޅަކުދިންނާއި ޒުވާނުން މާމަ-ކާފައަށް އިޙްތިރާމްކުރުމާއި އަޅާލުން އިތުރުކުރުމުގެ މުހިއްމުކަން ވެސް ފާހަގަކުރެއްވިއެވެ.
ރައީސް މުޢިއްޒު އިތުރަށް ވިދާޅުވީ، ޤައުމީ މާމަ ކާފަ ދުވަހުގެ މަޤްޞަދުތަކުގެ ތެރޭގައި ދުވަސްވީ މީހުންގެ ޚިދުމަތްތައް އާ ޖީލުތަކަށް ފޯރުކޮށްދިނުމާއި، ތަޖުރިބާއާއި މަޢުލޫމާތު ޙިއްޞާކުރުމުގެ މުހިންމުކަން ހާމަކުރުން ހިމެނޭ ކަމަށެވެ. އަދި ސްކޫލްތަކާއި އެހެނިހެން ޕްރޮގްރާމްތަކުގައި މިކަމަށް އަހަންމިއްޔަތުކަން ދިނުމަށް ގޮވާލެއްވިއެވެ.
ރައީސް މުޢިއްޒު ނިންމަވާލެއްވީ، މާމަ-ކާފައަށް ލޯބިވުމާއި އިޙްތިރާމްކުރުން ކޮންމެ މީހެއްގެ ޒިންމާއަކަށް ހެދުމަށް އިލްތިމާސްކުރައްވަމުންނެވެ. މިއީ މުޖުތަމަޢުގައި ދުވަސްވީ މީހުންނަށް އަޅާލުމާއި އޯގާތެރިވުން އިތުރުކުރުމަށް އެޅޭނެ މުހިއްމު ފިޔަވަޅެއް ކަމުގައި ވެސް އެމަނިކުފާނު ފާހަގަކުރެއްވިއެވެ.
