ދިވެހި ބަހުގެ އެކެޑެމީއިން އިސްނަގައިގެން ކޮންމެ އަހަރަކު ބާއްވަމުން އަންނަ ފެންޑާ މައުރަޒު މިއަދު ފަށައިފިއެވެ.
މި މައުރަޒަކީ އެ އެކެޑެމީގެ ފޮތް ފިހާރައިން ލިބެން ހުންނަ ދިވެހި ބަހުގެ އެކި ހަމަތަކަށް ފެތޭ ފޮތްތަށް ހެޔޮ އަގުގައި ވިއްކުމަށް ބާއްވާ މައުރަޒެވެކެ.
މި މައުރަޒުން ލިބެން ހުންނާނެ ފޮތްތަކުގެ ތެރޭގައި ކުޑަކުދިންގެ ވާހަކައާއި، ދިވެހި ތާރީހާ ގުޅޭ އެކި އެކި ފޮތްތަކާއި، ދިވެހި ބަހާއި އަދަބިއްޔާތުގެ ފޮތްތަކާއި، ވާހަކަ އަދި ނާވިލު ހިމެނެއެވެ. މީގެ ތެރޭގައި ދިވެހި ބަހުގެ ގަވާއިދުގެ 1،2،3،4 ކާއި ބަހުގެ ހަމަތަކާ ގުޅޭ އަތްމަތީ ފޮތް ކަމަށްވާ "ފަހުބަސް" ފަދަ ފޮތްތައް ވެސް ހިމެނެއެވެ.
Advertisement
މީގެ އިތުރުން ސްކޫލު ކުދިންގެ ދިވެހި ބަސްކޮށާރާއި މައުލޫމާތު މުއްސަނދި ކުރުމަށް ބޭނުންވާނެ ބައެއް ފޮތްތައް ވެސް މި މައުރަޒުގައި ހިމެނެއެވެ. އޭގެތެރޭގައި "ޖަމީލުގެ ޑްރާމާތައް" އަދި "ދިވެހިރާއްޖޭގެ ރަހުންނާއި ރަނިން" ލިބެން ހުންނާނެ ކަމަށް އެކަޑަމީން ބުންޏެވެ. އަދި މީގެ އިތުރުންވެސް ދިވެހި ބަހުގެ އެކެޑެމީގެ ފޮތްތަކާއި އަމިއްލަ ލިޔުންތެރިންގެ ފޮތްތައް ގަންނަން ލިބެން ހުންނާނެ ކަމަށްވެސް އެފަރާތުން ބުނެއެވެ.
މައުރަޒު ކުރިއަށް ގެންދާނީ މާދަމާ ހަވީރު 5 ޖެހުމާއި ހަމައަށް ކަމަށާއި މިއަދު ހަވީރު 5 ޖެހުމާއި ހަމައަށްވެސް މައުރަޒު ހުޅުވިފައި ހުންނާނެކަމަށް އެކެޑެމީއިން މައުލޫމާތުދެއެވެ.
