ނޯވޭގެ ފޯވާޑް 101 މެޗު ކުޅެފައިވާއިރު، އެ މެޗުތަކުގެ ތެރޭގައި އޭނާ ވަނީ 94 ގޯލް ޖަހައި 10 ހެޓްރިކް ހަދާފައެވެ. މެންޗެސްޓަރ ސިޓީގެ ފޯވާޑަކީ ޑިފެންޑަރުން މިއަދު އެންމެ ޖެހިލުންވާ އެއް ފޯވާޑަށް ވަނީ ވެފައެވެ.
ހާލަންޑްގެ ދުވެއްޔާއި ނިންމާލާ ޓަޗް ރަނގަޅުވެފައި ފުރިހަމަކަމުން އޭނާއަށް ވަނީ މަތީ ފެންވަރުގެ ހުރިހާ ކްލަބުތަކުން ތައުރީފު ލިބި ބައިނަލްއަގްވާމީ ގޮތުން ވެސް ފާހަގަކޮށްފަ އެވެ. ބޮރޫޝިއާ ޑޯޓްމަންޑާއި މިހާރު މެންޗެސްޓާ ސިޓީގައި އޭނާ ދައްކަމުންދާ ހާއްސަ ކުޅުމާއެކު އޭނާ އަކީ ދަނޑުގައި ގާތްގަނޑަކަށް ކޮންމެ މަގާމަކުން ވެސް ގޯލް ޖެހުމުގެ ގާބިލްކަން ހުރި ކުޅުންތެރިއެކެވެ. ސަޕޯޓަރުންނާއި ޕަންޑިޓުން ވެސް ލަފާކުރާ ގޮތުގައި ކުރިއަށް އޮތް އަހަރުތަކުގައި ވެސް ހާލަންޑް ރެކޯޑްތައް މުގުރާލައި ޗެމްޕިއަންކަން ހޯދަމުން ގެންދާނެ އެވެ.
އެރލިންގ ހާލަންޑް އާއި ބެހޭގޮތުން
Advertisement
އެރްލިންގް ހާލަންޑް އުފަންވީ ޖުލައި 21، 2000 ގައި އިނގިރޭސިވިލާތުގެ ލީޑްސް އަށެވެ. އޭރު އޭނާގެ ބައްޕަ އަލްފް-އިންގޭ ހާލަންޑް އުޅުނީ ޕްރޮފެޝަނަލް ފުޓްބޯޅައިގައެވެ. ހާލަންޑް އޭނާގެ ފުޓްބޯޅަ ދަތުރު ނޯވޭގައި ފެށީ ބްރައިން އެފްކޭއާ އެކުއެވެ. އެތަނުން ވަރަށް އަވަހަށް މޯލްޑޭ އެފްކޭއަށް ބަދަލުވިއިރު، އޭނާގެ ކުޅުމަށް ބައިނަލްއަގުވާމީ ކްލަބުތަކުގެ ސަމާލުކަން ލިބުނެވެ. އޭނާގެ ކުރިއެރުން ލިބުނީ ރެޑްބުލް ސަލްޒްބާގްއާ ގުޅުނު ފަހުންނެވެ. އެތަނުން އޭނާ މަޝްހޫރުވީ ޚާއްސަކޮށް ޔޫއެފާ ޗެމްޕިއަންސް ލީގުގައި ގިނަ ގޯލުތަކެއް ޖަހައިގެންނެވެ.
އޮސްޓްރިއާގައި ހޯދި ކާމިޔާބީއަށް ފަހު 2020 ވަނަ އަހަރު ބޮރޫޝިއާ ޑޯޓްމަންޑަށް ބަދަލުވިއެވެ. ހާލަންޑް މެންޗެސްޓާ ސިޓީއަށް ސޮއިކުރީ 2022 ވަނަ އަހަރުއެވެ.
