މާލެ ސިޓީ ކައުންސިލުން ގަވާއިދާ ޚިލާފަށް ބިދޭސީން ހިންގާ ތަންތަން ހުއްޓުވުމަށް މަސައްކަތް ފަށައިފިއެވެ. މިގޮތުން ކައުންސިލުން ހޯދާފައިވާ ތަންތަނުގެ ތެރޭގައި މއ. އަންނާރުގޭގައި ހުއްދަނެތި ކާބޯތަކެތި ވިއްކާ ތަނަކާއި، ހުރަވީ ގޯޅީގައި ގަވާއިދާ ޚިލާފު ގެސްޓްހައުސްއަކާއި، އަދި ސިއްކަ ގޯޅީގައި ހުއްދަނެތި ކާބޯތަކެތި ތައްޔާރުކުރާ ބަދިގެއެއް ހިމެނެއެވެ.
ނޮވެމްބަރު 17 އިން ފެށިގެން 3,000 އަށްވުރެ ގިނަ ބިދޭސީން ވަނީ ޑީޕޯޓްކޮށްފައެވެ. އަދި 200 އަށްވުރެ ގިނަ ތަންތަން އިމިގްރޭޝަނުން ވަނީ ރެއިޑް ކޮށްފައެވެ.
މާލެ ސިޓީ ކައުންސިލުން މި މަސައްކަތް ފެށުމާއެކު، ގަވާއިދާ ޚިލާފަށް ބިދޭސީން ހިންގާ ތަންތަން ހޯދުމުގެ މަސައްކަތް އިތުރަށް ހަރުދަނާވެގެންދާނެ ކަމަށް ބެލެވެއެވެ. މިއީ ސަރުކާރުން މިހާރު ކުރަމުންދާ މަސައްކަތްތަކާ ގުޅިގެން ކުރެވޭ އިތުރު މަސައްކަތެކެވެ. އިމިގްރޭޝަނުން ވެސް 200 އަށްވުރެ ގިނަ އޮފިސަރުންނާއެކު މާލޭގައި އޮޕަރޭޝަނެއް ފެށައި، ގިނަ ބަޔަކު ހުއްޓުވާގައި ވުމުން އެފަރާތަށް ރައްޔިތުން ގެންދަނީ ތަޢުރީފު ކުރަމުންނެވެ.
