ސިންގަޕޫރަށް ކުރެއްވި ނުރަސްމީ ދަތުރުފުޅު ނިންމަވާލެއްވުމަށްފަހު ރަޢީސުލް ޖުމްހޫރިއްޔާގެ ޑރ. މުހައްމަދު މުއިއްޒު، އަދި އަނބިކަނބަލުން މެޑަމް ސާޖިދާ އިބްރާހީމް މާލެ ވަޑައިގެންފިއެވެ.
ދެދުވަހުގެ ނުރަސްމީ ދަަތުރުފުޅަކަށް މިދިޔަ ހޯމަދުވަހުގެ ރޭ ރަޢީސްގެ ދެކަނބަލުން ސިންގަޕޫރަށް ފުރާ ވަޑައިގަތީ މީގެ ދެ އަހަރެއްހާ ކުރިން ހެއްދެވި ސާޖަރީއަކާއި ގުޅިގެން ހެލްތު ޗެކަޕެއް ހެއްދެވުމަށް ކަމަށް ޕީއެންސީއިން ބޭއްވި ޖަލްސާގައި ރަޢީސް ވިދާޅުވިއެވެ.
އަދި މިފަހުން ސޯޝަލް މީޑިއާގައި، އެމަނިކުފާނުގެ ސިއްހީ ހާލަތާ ގުޅޭގޮތުން ފެތުރިފައިވާ ވާހަކަތަކުގެ ހަގީގަތްވެސް އެ ޖަލްސާގައި ރަޢީސް ހާމަކުރެއްވިއެވެ.
