ކ. ތިލަފުށީ ހިއްކުމުގެ މަސައްކަތް ނިމި، އެތަނުގައި މިހާރު ސްލޯފިންގެ މަސައްކަތް ކުރަމުން ދަތީ، އެ ސަރަހައްދުގައި އަޅާފައި ހުރި އުޅަނދުތައް ނެގުމަށް ހައުސިން ޑިވޮލޮޕްމެންޓް ކޯޕަރޭޝަން (އެޗްޑީސީ)އިން އަންގައިފިއެވެ.
އެޗްޑީސީއިން މިއަދު ނެރެފައިވާ ބަޔާނުގައި ބުނެފައިވަނީ، މިހާރު ސްލޯފިންގެ މަސައްކަތް ކުރަމުން ދާތީ، އެތަނުގައި އަޅާފައިވާ އުޅަނދުތަކުގެ ސަބަބުން އެ މަސައްކަތަށް ދަތިވާ ކަމަށެވެ. އަދި އުޅަނދުތަށް ނެގުމަށް ރަސްމީ ބަންދުނޫން 7 ދުވަހުގެ މުއްދަތެއް އެ ކުންފުނިން ވަނީ ދީފައެވެ.
އެޗްޑީސީން ކުރި އިޢުލާނުގައި ވަނީ، މި މުއަދަތުގެ ތެރޭގައި އުޅަނދުތައް ނުނަގައިފިނަމަ، "ތިލަފުއްޓާއި ގުޅީ ފަޅުތެރެޔަށް ދޫކޮށްލާފައިވާ އުޅަނދުފަހަރާއި ތަކެއްޗާ މެދު އަމަލުކުރުމުގެ އުސޫލު"ގެ ދަށުން އެ އުޅަނދުތަކާ މެދު އަމަލުކުރާނެ ކަމަށެވެ.
Advertisement
ތިލަފުށި ހިއްކާ ތަރައްގީ ކުރުމަކީ ވިޔަފާރިވެރިންނަށް ފުރުސަތު ދިނުމަށް އެ ކުންފުނިން ކުރަމުން ގެންދާ މަސައްކަތަކަށް ވާތީ މިކަމަށް އެއްބާރުލުން ދިނުމަށް ވެސް އެ ކުންފުނިން ވަނީ އެދިފައެވެ.
