ލުބުނާނުގެ ދެކުނުގައި ދިރިއުޅޭ މީހުންގެ ގެތައް ތަޅާލުމުގެ މަސައްކަތް އިސްރާއީލަށް ހުއްޓުވޭކަށް ނެތް ކަމަށް އިސްރާއީލުގެ ގައުމީ ސަލާމަތާ ބެހޭ މިނިސްޓަރު އިޓަމާ ބެން ގްވީރު ބުނެފިއެވެ.
ބެން ގްވީރް ބުނީ އެމެރިކާގެ ރައީސް ޑޮނަލްޑް ޓްރަމްޕް ބުނި ކަމުގައި ވިޔަސް އެކަމެއް ނުހުއްޓުވޭނެ ކަމަށާއި އިޒުރޭލަކީ މިނިވަން ދައުލަތެއް ކަމަށެވެ.
އިޒުރޭލުން މިހެން ބުނާއިރު، އިއްޔެ އެމެރިކާގެ ނައިބު ރައީސް ވެންސް ބުނީ އީރާނާއި އެކު ވެފައިވާ އެއްބަސްވުމަކީ "ސަރަހައްދީ ސުލްހަ" ކަމަށެވެ.
Advertisement
"އަސާސީ ޚިޔާލަކީ މިއީ އަސްލު ސަރަހައްދީ ސުލްހައިގެ އެއްބަސްވުމެއް،" ވެންސް ބުންޏެވެ.
ފެބްރުއަރީ 28 ވަނަ ދުވަހު އިސްރާއީލާއި އެމެރިކާއިން އީރާނަށް ހަމަލާދިނުމަށް ފަހު އުފެދުނު ހަމަނުޖެހުން ނިމުމަކަށް ގެނައުމަށް އަމާޒުކޮށްގެން ވޮޝިންޓަނާއި ތެހެރާނާއި ދެމެދު އެއްބަސްވުމެއް އޮތް ނަމަވެސް ލުބުނާނާއި އިސްރާއީލުގެ ބޯޑަރުގައި އަދިވެސް ހަމަނުޖެހުންތައް ކުރިއަށް އެބަދެއެވެ.
އީރާނުން ބުނަނީ ލުބުނާނަށް ހަމަލާ ދިނުން ހުއްޓުވުމަކީ ހުކުރު ދުވަހު ތެހެރާނާއި ވޮޝިންޓަންއާ ދެމެދު ސޮއިކުރާނެ ކަމަށް ބެލެވޭ އެއްބަސްވުމުގެ މައިގަނޑު މަގުސަދުތަކުގެ ތެރޭގައި ހިމެނޭ ކަމެއް ކަމަށެވެ.
މާޗް މަހުގެ ދެވަނަ ދުވަހުން ފެށިގެން އިސްރާއީލުން ލުބުނާނަށް ދިން ހަމަލާގައި އެތައް ހާސް ބަޔަކު މަރުވެ ޒަޚަމްވެ އެއް މިލިއަނަށް ވުރެ ގިނަ މީހުން ގެދޮރު ގެއްލިފައިވާ ކަމަށް އެންމެ ފަހުގެ ރަސްމީ ހިސާބުތަކުން ދައްކަ އެވެ.
