ރައީސް ޑރ.މުހައްމަދު މުއިއްޒުގެ ވެރިކަމުގައި އިސްލާމްދީން ކުރިއެރުވުމަށް އެމަނިކުފާނު ކުރައްވަމުން ގެންދަވާ މަސައްކަތްޕުޅުތަކަށް މިސަރުކާރުގެ އިސްލާމީ ކަންތައްތަކާބެހޭ އެންމެ މަތީ ވެރިޔާ ޑރ.ޝަހީމް ޝުކުރު އަދާކުރައްވައި ތަޢުރީފު ކުރައްވައިފިއެވެ.
އިސްލާމީ މަރުކަޒުގެ ޖަލްސާ ކުރާ މާލަމުގައި ދީނީ ޢިލްމުވެރިންގެ އަހަރީ ބައްދަލުވުމުގައި ވާހަކަދައްކަވަމުން އިސްލާމީ ކަންތައްތަކާބެހޭ ވަޒީރު ޑރ.މުޙައްމަދު ޝަހީމް އަލީ ސަޢީދު ވިދާޅުވީ ޑރ. މުހައްމަދު މުޢިއްޒުގެ ސަރުކާރަކީ އިސްލާމްދީނަށް ނަޞްރު ދިނުމުގައި ދެމި އޮންނަ ސަރުކާރެއް ކަމަށާއި ، ދީނީ ކަންކަމުގައި ހާސިލުކުރާ ކާމިޔާބީތަކުގެ އެންމެ ބޮޑު ހިއްސާދާރަކީވެސް އެމަނިކުފާނެވެ.
މިނިސްޓަރު ވަނީ އިސްލާމީ ޚިދުމަތްތަކަށް އެހީތެރިވުމަށް ސަރުކާރުން ކުރަމުންދާ ޚިދުމަތްތެރިކަމާއި، ދީނީ މަންޒަރު އިތުރަށް ފުރިހަމަ ކުރުމަށް އިލްމުވެރިންނާ ގުޅިގެން މަސައްކަތް ކުރެއްވުމަށް އަލިއަޅުއްވާލައްވާފައެވެ. 100 އަށް ވުރެ ގިނަ އިލްމުވެރިން ބައިވެރިވާ މި ބައްދަލުވުމުގައި ދީނީ އިސްނެގުމުގައި ސްޓްރެޓެޖީ ހެދުމާއި ގައުމީ އިސްލާމީ ތަސައްވުރެއް އެކުލަވާލުމުގެ މައްޗަށް އަލިއަޅުވާލާނެ އެވެ.
Advertisement
ފާހަގަ ކޮށްލެވޭ ގޮތުގައި މިސަރުކާރަކީ ރާއްޖޭގައި ފުރަތަމަ ފަހަރަށް މޫނުބުރުގާ އަޅާ ފަރާތްތަކަށް ވަޒީފާ ދިނުމަށްޓަކަި ވަޒީފާއާބެހޭ ގޮތުން ހަދާފައިވާ ޤަވާއިދުތައް ބަދަލުކުރަން ޖެހޭނެކަމަށް ރައީސަކު ވިދާޅުވި ފުރަތަމަ ސަރުކާރެވެ.
