އދ. ދިގުރަށުގައި އެކޮމޮޑޭޝަން ބުލޮކެއްގައި ރޯވެ ހިނގި އަލިފާނުގެ ހާދިސާއެއްގައި މަރުވި ފަސް ބިދޭސިންގެ ތެރެއިން ދެ މީހެއްގެ ހަށިގަނޑު މިއަދު ބަނގްލަދޭޝަށް ގެންދަން ނިންމައިފި އެވެ.
އަލިފާނުގެ ހާދިސާގައި މަރުވި ފަސް މީހުންގެ ތެރޭގައި ހިމޭނޭ ސާދަރު އަލީ އާއި ޝަފީގުލް އިސްލާމުގެ ހަށިގަނޑު މިއަދުގެ ވަގުތެއްގައި ބަނގްލަދޭޝަށް ގެންދާނެ ކަމަށް، އެ ގައުމުގެ ފޮރިން މިނިސްޓްރީން ވަނީ ބުނެފައި ކަމަށް ބަންގްލަދޭޝްގެ ނޫހެއް ކަމަށްވާ ދަ ޑެއިލީ ސްޓާގައި ރިޕޯޓުކޮށްފައިވެ އެވެ.
މިހިތާމެމެރި އަލިފާނުގެ ހާދިސާ ހިނގާފަިއި ވަނީ މިދިޔަ ބުރާސްފަތި ދުވަހުގެ ރޭ ދަންވަރު، ހާރު ކެއުމަށް ކާއެއްޗެހި ތައްޔާރުކުރުމަށް އުޅުމުގެ ތެރޭގައި ގޭސް ސިލިންޑަރު ގޮވައިގެންނެވެ. އެ ހާދިސާގައި މަރުވި ހުރިހާ މީހުންނަކީ ބަނގްލަދޭޝްއަށް ނިސްބަތްވާ މީހުންނެވެ.
އެ ހާދިސާގައި މަރުވި މިހުންނަކީ :
- ރާޖު އުދިން އިސްލާމް
- ސާދަރު އަލީ
- ރޮބިން މޮއްލާ
- ޝަފީގުލް އިސްމާލް
- ނޫރްނަބީ ސަރްކާރް
އެ ހާދިސާގައި މަރުވި ފަސް މީހުންގެ އިތުރުން ދެ މީހަކަށް ބޮޑެތި އަނިޔާތަކެއް ލިބި އަންނަނީ ފަރުވާ ދެމުންނެވެ. މިވަގުތު ފަރުވާ ދެމުން އަންނަ ދެ މީހުންނަކީ ޖަމާލް އުދިން އާއި ސައްދާމް ހޮސެއިން ކިޔާ ދެ މީހުންނެވެ.
އެކަމާ ބެހޭ ގޮތުން އައިޖީއެމްއެޗުން އިއްޔެ ބުނެފައި ވަނީ ފިހިގެން ފަރުވާދެމުން އަންނަ ދެ މީހުންގެ ހާލު ސީރިއަސް ކަމަށެވެ. އަދި އެ ދެ މީހުންނަށް ފަރުވާ ދެމުން އަންނަނީ ވެންޓިލޭޓަރުގައި ކަމަށެވެ.
އެގޮތުން ފަރުވާ ހޯދަމުން އަންނަ ދެ މީހުންގެ ހާލު ބެއްލެވުމަށް ރާއްޖޭގައި ހުންނަ ބަންގްލަދޭޝްގެ ހައި ކޮމިޝަނަރު، ޑރ. އެމްޑީ ނަޒްމުލް އިސްލާމު އާއި އިތުރު އޮފިޝަލުން ވަނީ އައިޖީއެމްއެޗަށް ވަޑައިގެން އެމީހުންގެ ހާލު ބައްލަވާފަ އެވެ. އަދި އެ ހާދިސާގައި މަރުވެފައިވާ މީހުންގެ ހަށިގަނޑުތައް ހުރީ ގަލޮޅު މޯޗަރީގަ އެވެ. އެތަނަށް ވެސް ސަފީރު ޒިޔާރާތްކުރެއްވި ކަމަށް ބަންގުލަދޭޝްގެ ނޫހުގައި ރިޕޯޓުކޮށްފައިވެ އެވެ.
ހަމައެހެންމެ ބަންގުލަދޭޝްގެ ހައި ކޮމިޝަނުން ވަނީ މަރުވި މީހުންގެ އައިލާތަކާއި ގުޅައި އެހީތެރިކަން ފޯރުކޮށްދޭނެ ކަމަށް ބުނެފައި ކަމަށް އެ ނޫހުން ބުންޏެވެ. އޭގެ އުތުރުން އަލިފާން ރޯވި ތަނަށް ވެސް ހައި ކޮމިޝަނުގެ އޮފިޝަލުން ވަޑައިނަވާ ބައްލަވާ، އެ ހާދިސާގައި ގެއްލުންވި ބަންގްލަދޭޝްގެ އިތުރު މީހުންނަށް ބޯހިޔާވަހިކަން ހަމަޖައްސައިދީފައިވާ ކަމަށް ވެސް ރިޕޯޓުކޮށްފައިވެ އެވެ.
އެގޮތުން އެ ހާދިސާއާ ގުޅިގެން މޯލްޑިވިސް ޕޮލިސް ސާވިސުން ފުބުނެފައި ވަނީ އަލިފާނުގެ ހާދިސާއެއް ހިނގައިގެން އުޅޭ ކަމުގެ ރިޕޯޓު އެ އިދާރާއަށް ލިބުނީ އެރޭ ދަންވަރު 1:57 ހާއިރު ކަމަށެވެ. އަދި 1:58 ގައި ފުލުހުން އެ ސަރަހައްދަށް ދިޔައިރު ބަދިގެ ތެރެއިން ވަރަށް ބޮޑަށް އަލިފާނުގެ އަސަރު ފެންނަމުން ދިޔަ ކަމަށެވެ.
އަދި ގޭތެރޭގައި ތާށިވެފައި ތިބި މީހުން ސަލާމަތްކުރަން ފުލުހުންނާއި އާންމުން ގުޅިގެން ގޭގެ ބިތްދޮށު ފާރު ތަޅާލަން ޖެހުނު ކަމަށް ވެސް ފުލުހުން މައުލޫމާތު ދީފައިވެ އެވެ. ނަމަވެސް ފުލުހުން އެތަނަށް ވަތްއިރު ހަބަރު ހުސްވެފައި ތިބި ހަތް މީހަކު ތިބި ކަމަށާއި އަދި އެމީހުން އެ ތަނުން ނެރެ، އެ ރަށު ސިއްހީ މަރުކަޒަށް ގެންދިޔަ ކަމަށް ފުލުހުން ބުންޏެވެ. ނަމަވެސް އެ ފަސް މީހުން އެރުވެސް އޮތީ މަރުވެފައި ކަމަށް ފުލުހުން ބުންޏެވެ.
