އިސްރާއީލާއި އެމެރިކާ ގުޅިގެން އީރާނަށް ދެމުންދާ ޙަމަލާ ތަކުގެ ރައްދުގައި އީރާނުން އެ ސަރަޙައްދުގައި ހިމެނޭ އެމެރިކާގެ ބޭސް ތަކަށް ދޭ ޙަމަލާތައް ވަރުގަދަވަމުންދާއިރު، ޤަލްފް ޤައުމުތަކުގައި އެމެރިކާގެ މަސްލަޙަތު ޙިމާޔަތް ކުރުމަށް ކުރާ މަސައްކަތުގައި ބައިވެރިވުމަށް އިސްރާއީލުން ވިސްނަމުންދާ ކަމަށް ރިޕޯޓްތައް ބުނެފިއެވެ.
އިތުބާރު ހުރި މަސްދަރަކުން ބުނާ ގޮތުގައި ގަލްފުގައި މިހާރު އެމެރިކާގެ ހަތިޔާރާއި އުޅަނދުތަކާއި އެހެނިހެން މުދާތައް ދިފާޢު ކުރުމުގައި އެހީތެރިވެދެވޭނެ ގޮތާއި ބެހޭ ގޮތުން ޓެލް އަވީވްގައި ދަނީ މަޝްވަރާތައް ކުރަމުންނެވެ. އިސްރާއީލުގެ ސިފައިންނާއި ހަތިޔާރާއި އެކު ސައޫދީ އަށާއި ޤަޠަރަށާއި ކުވެއިތަށާއި ޔޫއޭއީ އަށާއި ބަހުރައިނަށް ވެސް ދިޔުމަށް ވަނީ ނިންމާފައެވެ.
"އަޅުގަނޑުމެންގެ ދިފާއީ މަސައްކަތުގައި އެމެރިކާ މީހުން އެހީތެރިވާ ފަދައިން އެމެރިކާގެ ދިފާއީ މަސައްކަތުގައި އެހީތެރިވެދެވޭނެ" އިސްރާއީލުގެ އޮފިޝަލަކު ވިދާޅުވި ކަމަށް އެ މަސްދަރުން ބުނެއެވެ.
