ޕެޝަން ފުރުޓް ރިހައަކީ ހުތް އަދި ފޮނި ރަހައެއް އެކުލެވިގެންވާ މީރު ރިހައެކެވެ. މިއީ ދިވެހި ސުފުރާމަތީގައި ވަރަށް މަދުން ނޫނީ ނުފެންނަ، އެކަމަކު ކާލަން ވަރަށް އަރާމު ރިހައެކެވެ.
ބޭނުންވާ ތަކެތި:
- 4 - 5 ޕެޝަން ފުރުޓް (އޮަށާއެކު އޭގެ މަޑުބައި ނަގާފައި)
- 1 ޖޯޑު ބޯކިރު
- 1 ރަތް ފިޔާ ( ކުދިކޮށް ކޮށާފައި)
- 2 - 3 ހިކި މިރުސް ނުވަތަ ގިތެޔޮ މިރުސް (ބޭނުންވާ ވަރަށް).
- ހިކަނދިފަތާއި ރާނބާ ފަތް
- 1/2 ސައިސަމުސާ ރީނދޫ
- 5 ސައިސަމުސާ ހަވާދު (ބޭނުން ހަވާދެއް)
- 1/2 ސަމްސާ އިނގުރު
- ލޮނާއި ހަކުރު (ރަހަ ހެޔޮވަރުވާ ވަރަށް)
ތައްޔާރު ކުރާނެ ގޮތް:
- އެންމެ ފުރަތަމަ ޕެޝަން ފުރުޓުތައް ފަޅާލުމަށް ފަހު ސަމުސަލަކުން އޭގެ މަޑުބައި (އޮށާއެކު) ތަށްޓަކަށް ނަގާށެވެ.
- އެއަށް ފަހު ތެއްޔަށް ކުޑަ ތެޔޮފޮދެއް އަޅާފައި، ފިޔާ، މިރުސް، ހިކަނދިފަތް، ރާނފަތް އަޅައިގެން ފިޔާކޮޅު ރަންކުލަ އަރަންދެން ފިޔާ މީރުކޮށްލާށެވެ.
- އަދި ރީނދުލާއި ހަވާދު އަޅައި، މަޑުގިނީގައި އިރުކޮޅަކު ކައްކާލާށެވެ.
- ދެން ބޯކިރު ފޮދު އަޅާފައި، މަޑުގިނީގައި ކައްކަން ފަށާށެވެ. ކިރުގަނޑު ކުޑަކޮށް ބޮކިޖަހަން ފެށުމުން ޕެޝަން ފުރުޓްގެ މަޑުބައި އޭގެ ތެރެއަށް އޮއްސާލާށެވެ.
- ލޮނުކޮޅެއް އަޅުމަށް ފަހު ޕެޝަން ފުރުޓުގެ ހުތްކަން ހުންނަ ގޮތުން، ރަހަ މީރުކުރުމަށްޓަކައި ކުޑަ ހަކުރުކޮޅެއް ލާށެވެ.
ނޯޓް: ޕެޝަން ފުރުޓު އެޅުމަށްފަހު މާ ގަދައަށް ބޮކިޖަހާ ކައްކާކަށް ނުޖެހޭނެއެވެ. ކިރުގަނޑު ރަނގަޅަށް ހޫނުވެ، ރަހަތައް އެކުވުމުން އުނދުން ނިވާލާށެވެ.
ޕެޝަން ފުރުޓް ރިހައަކީ ހުތް އަދި ފޮނި ރަހައެއް އެކުލެވޭ އެއްޗަކަށްވާތީ، މިއީ ބަތާއެކު ކާން ވަރަށް މީރު އެއްޗެކެވެ. ހާއްސަކޮށް ފިހުނު މަސް ނުވަތަ ތެލުލި މަހާއެކު މި ރިހަ ކާން ވަރަށް މީރުވާނެއެވެ.
