އެމެރިކާގެ ކަނޑުގެ ސިފައިން އީރާނުގެ އުޅަނދުތަކަށް ޙަމަލާ ދީ ކަނށުމަތި “ކްލިއާ” ކޮށްފި ކަމަށް އެމެރިކާ އިން ބުނެފި.
މިހާރު ކުރިޔަށްދާ އީރާނު ހަނގުރާމައިގައި އެ ޤައުމުގެ 2000 އެއްހާ އަމާޒަކަށް ޙަމަލާ ދީފައިވާ ކަމަށް އެމެރިކާ އިން ބުނެފިއެވެ.
އެމެރިކާ އިން ނެރުނު ހިސާބުތަކުން ދައްކާ ގޮތުގައި، އީރާނުގެ ސަބްމެރިންތަކާއި ބޯޓުތަކަށް ވެސް ވަރަށް ވަރުގަދަ ޙަމަލާތަކެއް ދީ، ޚޮރްމޫޒް ކަނޑުއޮޅިން އީރާނުގެ ހުރިހާ އުޅަނދެއް ވެސް މިހާރު ވަނީ ފައްސާލާފައެވެ.
”މިހާރަކު ޚޮރްމުޒްގައި ނުހުންނާނެ އީރާނުގެ އެންމެ ބޯޓެއް ވެސް. އެމީހުންގެ 17 ބޯޓަކަށް އަޅުގަނޑުމެން ޙަމަލާ ދީފިން. ސަބްމެރިން އަށް ވެސް ޙަމަލާ ދީފިން. މިހާރު އަރަބިއަން ސީގަ އާއި ގަލްފް އޮފް އަމާން ގައި ވެސް އީރާނުގެ އެންމެ ބޯޓެއްވެސް ނޯންނާނެ” އެމެރިކާގެ ސެންޓްރަލް ކޮމާންޑުގެ އިސް ޖެނެރަލަކު ބުނެފައި ވެއެވެ.
އީރާނުން މިކަމާއި ގުޅޭ ގޮތުން އަދި ވަކި އެއްޗެއް ނުބުނެއެވެ.
